ۇلىبريتانيانىڭ ەۋرووداقتان شىعۋىنا بايلانىستى بريۋسسەل مەن لوندون بىرقاتار ماڭىزدى ماسەلەلەر بويىنشا كەلىسىمگە قول جەتكىزە الماي وتىر. بۇل تۋرالى جەكسەنبى كۇنى ءوزىنىڭ تۆيتتەرىندە ميشەل بارنە جازدى: ء«بىز بۇگىن دومينيك راابپەن جانە بريتاندىق كەلىسسوزشىلەر توبىمەن كەزدەستىك. بارىمىزدى سالساق تا, بىرقاتار وزەكتى ماسەلەلەر ءالى دە شەشىلمەدى. ونىڭ ىشىندە يرلانديا شەكاراسى جايلى ماسەلە دە بار».
ەستەرىڭىزگە سالا كەتسەك, ەكى جاق كەلىسىمگە كەلدى دەپ اقپارات تاراعاننان كەيىن, ەكى تاراپ مۇنى جوققا شىعاردى. ەۋرووداق قۇرامىندا قالاتىن يرلانديا مەن ەۋرووداقتان ۇلىبريتانيامەن بىرگە شىعاتىن سولتۇستىك يرلانديا اراسىنداعى شەكارا ماسەلەسى برەكسيت شارتتارىن تالقىلاۋ بارىسىنداعى ەڭ وتكىر ماسەلە بولىپ قالا بەرمەك.
AFP اگەنتتىگىنىڭ مالىمەتىنشە, بۇل ماسەلە بويىنشا الداعى كەلىسسوزدەر سارسەنبى كۇنى كەشكە باستالاتىن ەو سامميتىنە دەيىن ناقتىلانبايدى.
