كەزدەسۋگە ارنايى كەلگەن وبلىس اكىمى قىرىمبەك كوشەرباەۆ:
ءوز باستاۋىن عاسىرلار قويناۋىنان الاتىن سىردىڭ قاسيەتتى دە قاستەرلى توپىراعى تالاي تالانتتى تۇلعالاردى دۇنيەگە اكەلدى. قازاقتىڭ تۇڭعىش ۇلتتىق دراما تەاترىنىڭ ساحنا كوركەمدەۋشىسى بولعان حالىق شەبەرى ءلاتيپا حوجىقوۆادان باستاپ, اعايىندى قوجاحمەت جانە قۇلاحمەت حوجىقوۆتار, ساحي رومانوۆ پەن ساليحيتدين ايتباەۆتار قازاق بەينەلەۋ ونەرىنىڭ دامۋىنا ۇلەس قوستى. امانكەلدى كەنەنباەۆ - سىر بويى بەينەلەۋ ونەرىن بيىككە كوتەرىپ كەلە جاتقان ەرەكشە ەسىم. سۋرەتشىنىڭ 2015 جىلى اقش پەن جاپونيادا وتكىزىلگەن كورمەسى تالعامپاز قوناقتاردىڭ نازارىن اۋدارعانىن بىلەمىز. فرانتسيانىڭ نوجان-سيۋر-مارن قالاسىندا تۇرعان الاش ارىسى مۇستافا شوقايدىڭ ءمۇسىنى دە امانكەلدىنىڭ قولىنان شىققان. ءوزىمىز كۇن سايىن كورىپ جۇرگەن جانقوجا باتىردىڭ ەڭسەلى ەسكەرتكىشى مەن اقىن ءابدىلدا تاجىباەۆتىڭ تاس ءمۇسىنىنىڭ اۆتورى دا وسى سۋرەتشى. بۇعان دەيىن جىل باسىندا ەلىمىزدىڭ رۋحاني استاناسى - الماتىنىڭ تورىندە «سۇلۋتوبە» اتتى جەكە كورمەسى اشىلسا, بۇگىن سۋرەتشىنىڭ «سىرداريا» اتتى كورمەسى نازارلارىڭىزعا ۇسىنىلىپ وتىر,-دەدى.
ايتا كەتەيىك, امانكەلدى كەنەنباەۆتىڭ تۋىندىلارى تمد ەلدەرىندە جانە اقش, كانادا, پورتۋگاليا, بۋداپەشت, يزرايل, نورۆەگيا, گەرمانيا ت.ب مەملەكەتتەردەگى كورمەلەردە قويىلعان.
باقتيار تايجان,
«ەگەمەن قازاقستان»
قىزىلوردا وبلىسى
