- قىزىلوردا وبلىسىنىڭ ەجەلدەن بەرى وزىندىك ءداستۇر-سالتى مەن مادەني قۇندىلىقتارى بار ەكەنى بەلگىلى. بۇگىندە ايماق قارقىندى دامىپ كەلە جاتقانىن جاڭا قالا قۇرىلىسىنان, تسيفرلاندىرۋ مەن كاسىپكەرلىك بويىنشا جۇرگىزىلىپ جاتقان جوبالاردان انىق كورۋگە بولادى. بۇل جۇمىستاردى مەملەكەت باسشىسىنىڭ جولداۋىنا سايكەس ناقتى تاپسىرمالار اياسىندا جالعاستىرۋ كەرەك. ال پارتيانىڭ مىندەتى كەڭ اۋقىمدى اقپاراتتىق-ناسيحات جۇمىستارىن جۇرگىزە وتىرىپ, ىسكە اسىرۋ جولدارىن كورسەتىپ, وڭىرلەردەگى تاپسىرمالاردىڭ ورىندالۋىنا باقىلاۋ جاساۋ بولىپ تابىلادى, - دەدى «نۇر وتان» پارتياسى توراعاسىنىڭ ءبىرىنشى ورىنباسارى.
پارتيا اكتيۆىن جۇرگىزىپ وتىرعان وبلىس اكىمى قىرىمبەك كوشەرباەۆ مەملەكەت باسشىسىنىڭ جولداۋىنداعى باياندالعان ادامي كاپيتالدى دامىتۋدىڭ ماڭىزى جايىندا ايتتى. جاپپاي كاسىپكەرلىكتى دامىتۋ وبلىستا ءۇش ماڭىزدى ماسەلەنىڭ شەشىم تابۋىنا اتاپ ايتقاندا, سالىق بازاسىن جاقسارتۋعا, تۇرعىنداردى جۇمىسپەن قامتۋعا جانە قوعامدىق تۇراقتىلىقتى قامتاماسىز ەتۋگە ىقپال ەتەتىنىن باياندادى.
جيىندا ءسوز العان قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ رەكتورى قىلىشباي بەيسەنوۆ وبلىستا ءبىلىم بەرۋ سالاسىنداعى قول جەتكەن جەتىستىكتەر جايىن تاراتتى. وبلىس اۋماعىنداعى قات ماماندىقتار بويىنشا 500-گە تارتا جاستار ماسكەۋ جانە سانكت-پەتەربۋرگ جوعارى وقۋ ورنىندا وقىپ جاتىر. جاستاردىڭ وقۋ-بىلىمگە قۇشتارلىعى مەكتەپ تۇلەكتەرىنىڭ 97 پايىزعا جۋىعى جوعارى جانە ورتا ارناۋلى وقۋ ورىندارىندا ءبىلىم الىپ جاتقاندىعىنان كورىنەدى.
وبلىستا كاسىپكەرلىكتى دامىتۋ دۇرىس جولعا قويىلعان. جۇمىسقا ىنتاسى بار, كاسىپكەرلىككە بەيىم ازاماتتار ءۇشىن بارلىق جاعدايلار جاسالعان. «بيزنەستىڭ جول كارتاسى» ارقىلى وتاعاسى ەكەۋى ش ۇلىق تسەحىن ىسكە قوسقان ايگۇل مۇحامبەتجانوۆا شاعىن جانە ورتا بيزنەستىن وركەندەۋىنە قامقورلىق جاساپ وتىرعان مەملەكەت باسشىسىنا كاسىپكەرلەر اتىنان العىسىن ءبىلدىردى.
«جاس وتان» جاستار قاناتىنىڭ وبلىستىق فيليالىنىڭ توراعاسى تالعات تىلەس جاستاردىڭ باستامالارىنا قولداۋ كورسەتۋ بويىنشا ايماقتا اتقارىلىپ جاتقان جۇمىستار تۋرالى باياندادى.
وبلىس اكىمدىگىنىڭ عيماراتىندا ماۋلەن اشىمباەۆ سيتۋاتسيالىق ورتالىقتىڭ جۇمىسىمەن تانىسىپ, قىزىلوردا وبلىسىنىڭ تاجىريبەسىن رەسپۋبليكا بويىنشا تاراتۋ قاجەتتىگىن ايتتى.
جۇمىس ساپارىندا «نۇر وتان» پارتياسى توراعاسىنىڭ ءبىرىنشى ورىنباسارى سىرداريانىڭ سول جاعالاۋىنان «7-20-25» باعدارلاماسىمەن سالىنىپ جاتقان تۇرعىن ءۇي قۇرىلىسى نىساندارىمەن تانىستى.
قىزىلوردا وبلىسىندا حالىق سانىنىڭ وسۋىنە بايلانىستى تۇرعىن ۇيگە قاجەتتىلىك قاتتى بايقالادى. قازىردىڭ وزىندە 27 مىڭنان استام ادام تۇرعىن ءۇي كەزەگىندە تۇر. اتالعان ماسەلەنى شەشۋ ءۇشىن مۇندا 1532 گەكتار جەرگە جاڭا اۋدان سالىنىپ جاتىر.
بۇل جەردە تاياۋ ۋاقىتتا 320 ورىندىق بالاباقشا, جاستار رەسۋرس ورتالىعى, «بولاشاق» ۋنيۆەرسيتەتىنىڭ ءبىلىم بەرۋ كامپۋسى, نەكە سارايى, كوپ سالالى ەمحاناسى بار اۋرۋحانا, فيزيكا-ماتەماتيكالىق مەكتەپ جانە وتباسىلىق مەديتسينا ورتالىعى بوي كوتەرەدى دەپ جوسپارلانعان.
وبلىستا «وردا» تۇرعىن ءۇي قۇرىلىسىنىڭ «جول كارتاسى» قولعا الىنىپ, العاشقى سالىمسىز-اق نەسيەگە تۇرعىن ءۇي ساتىپ الۋعا جول اشىلدى. وسىلايشا, وڭىردە پرەزيدەنتتىڭ جولداۋدا ايتقان باسپاناعا مۇقتاج جاندارعا ناقتى كومەك كورسەتۋ تۋرالى تاپسىرماسى ورىندالىپ جاتىر.
بۇدان سوڭ ماۋلەن اشىمباەۆ №3 س.تولىبەكوۆ اتىنداعى مەكتەپ-ليتسەيىنىڭ جانە ءا.تاجىباەۆ اتىنداعى وبلىستىق عىلىمي امبەباپ كىتاپحاناسىندا ورنالاسقان ىت–پارك جۇمىسىمەن تانىستى.
«كاسىپكەرلىككە ارنالعان گەواقپاراتتىق ونلاين قىزمەتى» پارتيالىق جوباسى شەڭبەرىندەگى كاسىپكەرلەرگە قىزمەت كورسەتۋ ورتالىعىنا باردى. ورتالىقتا كاسىپكەرلەرگە ء«بىر تەرەزە» قاعيداتى بويىنشا جەر ماسەلەلەرى, ساۋلەت جانە قۇرىلىس, ينجەنەرلىك جەلىلەرگە قوسىلۋ, مەملەكەتتىك كىرىس ماسەلەلەرى, قارجى ينستيتۋتتارى ءۇشىن قارجىلاندىرۋ شارتتارى, بانككە دەيىنگى جانە كەيىنگى جوبالاردى قولداۋ بويىنشا 40-تان استام قىزمەت ءتۇرى ۇسىنىلادى. بارلىق قىزمەتتەر تەگىن كورسەتىلەدى. بۇل رەسپۋبليكا كولەمىندە تەڭدەسى جوق ورتالىق بولىپ تابىلادى.
سول كۇنى «نۇر وتان» پارتياسى توراعاسىنىڭ ءبىرىنشى ورىنباسارى سىرداريا اۋدانىنداعى بەس مىڭعا جۋىق حالقى بار شاعان اۋىلدىق وكرۋگىندە حالىقپەن كەزدەسۋ وتكىزدى. ەلباسىنىڭ جولداۋىنداعى ستراتەگيالىق تاپسىرمالاردى ىسكە اسىرۋدىڭ ەلىمىزدەگى بارلىق تۇرعىندار ءۇشىن ماڭىزدى ەكەندىگىنە تاعى كوڭىل اۋداردى.
- بارشامىز پرەزيدەنت يدەيالارىن ءتۇسىندىرىپ قانا قويماي ىسكە اسۋىنا اتسالىسۋىمىز كەرەك. ويتكەنى, ول تاپسىرمالار ەلىمىزدىڭ كەلەشەگىن ايقىندايتىن ستراتەگيالىق قۇجات. وسى باعىتتتا قوعامدىق مونيتورينگ جۇرگىزىلەدى,-دەدى ول.
باقتيار تايجان,
«ەگەمەن قازاقستان»
قىزىلوردا وبلىسى
