- ەلباسى نۇرسۇلتان نازارباەۆ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا: «تۋعان جەردىڭ ءاربىر سايى مەن قىرقاسى, تاڭى مەن وزەنى تاريحتان سىر شەرتەدى. ءاربىر جەر اتاۋلىنىڭ توركىنى تۋرالى تالاي-تالاي اڭىزدار مەن اڭگىمەلەر بار. ءاربىر ولكەنىڭ حالقىنا سۋىقتا پانا, ىستىقتا سايا بولعان, ەسىمدەرى ەل ەسىندە ساقتالعان ءبىرتۋار پەرزەنتتەرى بار. ونىڭ ءبارىن جاس ۇرپاق ءبىلىپ وسۋگە ءتيىس», - دەپ اتاپ كورسەتكەن بولاتىن. تۇركىستان وبلىسىندا ناعىز قاسيەتتى دە كيەلى جەرلەر كوپ. سونىڭ ءبىرى دە بىرەگەيى, اۋليەلى, كيەلى, شەرتپە كۇيدىڭ وتانى بولعان - سوزاق اۋدانى. تەكتi توپىراق سوزاق ۇلتتىق ادەبيەتiمiزدiڭ سيرەك دارىن يەسi تاكەن مەن ساۋiربەكتi, اسقار مەن تولەگەن, ءباتيمالاردى ومiرگە الىپ كەلدi. تەرىسكەيدىڭ اياۋلى پەرزەنتى اسقار سۇلەيمەنوۆشە ايتساق, «سوزاق داريا...سوزاق قاريا... سوزاق مىنەز» دەگەنى وسىندا بولسا كەرەك. بۇگىندە سوزاق اۋدانى ءوندىرىسى ورلەگەن, شارۋاشىلىعى شالقىعان وبلىستاعى كوش باستاۋشى اۋدانداردىڭ بىرىنە اينالعان, - دەدى كونفەرەنتسيادا ءسوز العان وبلىس اكىمى جانسەيىت تۇيمەباەۆ.
سونداي-اق عىلىمي جيىندا 1985-1991 جىلدارى سوزاق اۋداندىق پارتيا كوميتەتىنىڭ ءبىرىنشى حاتشىسى قىزمەتىن اتقارعان د.شەرىمقۇلوۆ, تاۋەلسىزدىكتىڭ العاشقى جىلدارىندا سوزاق اۋدانىندا تۇڭعىش اكىمى بولىپ قىزمەت اتقارعان ءا.ومباەۆ, 1994-1999 جىلدارى سوزاق اۋدانىنىڭ اكىمى بولعان ق. ايتاحانوۆ سىندى ازاماتتار ءوڭىردىڭ تاريحىنان سىر شەرتتى. اۋداننىڭ وركەندەۋىنە ۇلەس قوسقان بىرقاتار ازاماتتار وبلىس اكىمىنىڭ گراموتاسىمەن جانە العىس حاتىمەن ماراپاتتالدى.اۋداندىق اۋرۋحانا ۇجىمىنا مەديتسينالىق اۆتوكولىكتەردىڭ كىلتى تابىس ەتىلدى.
بۇل كۇنىمەرەيتويعا وراي 24 نىسان ەل يگىلىگىنە تاپسىرىلدى. ولاردىڭ قاتارىندا قۇمكەنت اۋىلىنداعى سپورت كەشەنى, شولاققورعان اۋىلىنداعى 50 ورىندىق «ايجان» بوبەكجاي بالاباقشاسى, «جىبەك جولى» ساۋدا كەشەنى, قاراعۇر اۋىلىندا «جاستار» ساياباعى, 2 سپورت الاڭى مەن 1 بالالار ويىن الاڭى بار. شولاققورعاندا ۇلت, مەملەكەت دامۋى جولىندا ايانباي ەڭبەك ەتكەن, ازاماتتاردىڭ ەسىمىن ەل جادىندا قالدىرۋ ماقساتىندا «سوتسياليستىك ەڭبەك ەرى» اتانعان ازاماتتاردىڭ بيۋستتەرى ورناتىلدى. بيۋستتەرى قويىلعان ازاماتتاردىڭ قاتارىندا شەرتپە كۇيدىڭ نەگىزىن قالاۋشى ج.قالامباەۆ, س.ءالى ۇلى, ت. مومبەكوۆ, گ.اسقاروۆ سىندى تۇلعالار بار. سونىمەن قاتار, بالدىسۋ, راڭ اتا, شاعا, اقسۇمبە ەلدى مەكەندەرىندە مەديتسينالىق پۋنكتتەر, شولاققورعان اۋىلىندا اللەيا, سپورت جانە بالالار ويىن الاڭشاسى مەن «Street Workout» سپورتتىق الاڭىنىڭ تۇساۋى كەسىلدى. تاۋكەنت قالاسىندا سپورت الاڭشاسى, جارتىتوبە ەلدى مەكەنىندە «استانا قالاسىنا 20 جىل» ساياباعى, سپورت الاڭشاسى مەن بالالار ويىن الاڭى, 75 ورىندىق «اسىلجان» بوبەكجاي باباقشاسى پايدالانۋعا بەرىلدى.
عالىمجان ەلشىباي,
«ەگەمەن قازاقستان»
تۇركىستان وبلىسى
