ساياسي كەڭەستىڭ وتىرىسىندا ەلباسى, پارتيا توراعاسىەلدەگى جەتەكشى ساياسي كۇشكە بەس الەۋمەتتىك باستامانى ىسكە اسىرۋمەن قاتار,تۇراقتى قوعامدىق باقىلاۋ جۇرگىزۋدى تاپسىردى. نۇروتاندىقتارعا مەملەكەت باسشىسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جاڭا جولداۋىنا قاتىستى دا وسىنداي مىندەت جۇكتەلدى.
قىزىلوردادا ماۋلەن اشىمباەۆ وڭىردەگى «7-20-25» باعدارلاماسىنىڭ ىسكە اسىرىلۋ بارىسىمەن تانىستى. اتاپ ايتقاندا, وبلىس ورتالىعىندا سىرداريا وزەنىنىڭ سول جاعالاۋىنداعى قۇرىلىس بارىسىن قاداعالاپ, سالىنىپ جاتقان كوپ قاباتتى تۇرعىن ۇيلەردى كوردى. «نۇر وتان» پارتياسى توراعاسىنىڭ ءبىرىنشى ورىنباسارى قۇرىلىسشىلارمەن, ەكىنشى دارەجەدەگى بانك وكىلدەرىمەن كەزدەسىپ, جولداۋدىڭ باسىمدىقتارىنا نازار اۋداردى.
– جولداۋدا مەملەكەت باسشىسى قوعامدا قىزۋ تالقىلانىپ جۇرگەن ەڭ وزەكتى الەۋمەتتىك ماسەلەلەردى قامتىپ, ولاردى شەشۋ ءۇشىن ناقتى شارالاردى ۇسىندى. اتاپ ايتقاندا, حالىقتىڭ ءال-اۋقاتىن ارتتىرۋ, تۇرمىس-جاعدايىن جاقسارتۋ, باسپاناعا قولجەتىمدىلىكتى قامتاماسىز ەتۋ, تۇرعىن ءۇي-كوممۋنالدىق شارۋاشىلىعىنداعى قوردالانعان ماسەلەلەردى شەشۋ, تاريفتەردى شەكتەۋ, وڭىرلەردەگى جولداردى جوندەۋ, شاعىن جانە ورتا بيزنەستى قولداۋ جانە قوعامدىق قاۋىپسىزدىك سەكىلدى ماسەلەلەر كوتەرىلدى. سوندىقتان ەلباسىنىڭ ۇسىنىستارىن ءبىر رەتتىك ەمەس, كەرىسىنشە جۇيەلى سيپاتقا يە دەپ ايتۋعا تولىق نەگىز بار. سەبەبى, ولاردىڭ ارقايسىسىنىڭ ستراتەگيالىق ماڭىزى زور,– دەدى ماۋلەن اشىمباەۆ.
قىزىلوردا وبلىسىندا حالىق سانىنىڭ وسۋىنە بايلانىستى تۇرعىن ءۇي وزەكتى ماسەلەلەردىڭ قاتارىندا. قازىردىڭ وزىندە 27 مىڭنان استام ادام تۇرعىن ءۇي كەزەگىندە تۇر. اتالعان ماسەلەنى شەشۋ ءۇشىن مۇندا 1532 گا جەرگە جاڭا اۋدان سالىنۋدا. وندا تۇرعىن ۇيلەر, الەۋمەتتىك نىساندار, ساۋدا جانە كەڭسە عيماراتتارى, سونداي-اق جاعالاۋ ايماعىنداعى قالالىقتاردىڭ دەمالۋى ءۇشىن ساياجايلار, جەلەكجولدار ورنالاساتىن بولادى. بۇل جەردە تاياۋ ۋاقىتتا 320 ورىندىق بالاباقشا, جاستار رەسۋرس ورتالىعى, «بولاشاق» ۋنيۆەرسيتەتىنىڭ ءبىلىم بەرۋ كامپۋسى, نەكە سارايى, كوپ سالالى ەمحاناسى بار اۋرۋحانا, فيزيكا-ماتەماتيكالىق مەكتەپ جانە وتباسىلىق مەديتسينا ورتالىعى بوي كوتەرەدى دەپ جوسپارلانعان. بۇگىندە قاجەتتى ينفراقۇرىلىمداردى (گاز, سۋ, ەلەكتر, جىلۋ, جول) تارتۋعا بايلانىستى جۇمىستار جۇزەگە اسىرىلۋدا.
قىزىلوردا وبلىسىندا «وردا» تۇرعىن ءۇي قۇرىلىسىنىڭ «جول كارتاسى» قولعا الىنىپ, العاشقى سالىمسىز-اق نەسيەگە تۇرعىن ءۇي ساتىپ الۋعا جول اشىلدى. وسىلايشا, وڭىردە پرەزيدەنتتىڭ جولداۋدا ايتقان باسپاناعا مۇقتاج جاندارعا ناقتى كومەك كورسەتۋ تۋرالى تاپسىرماسى ورىندالۋدا.
ەلباسى اكىمدەرگە جەڭىلدەتىلگەن نەسيە الۋ بويىنشا العاشقى سالىمدى جەرگىلىكتى بيۋدجەت ەسەبىنەن ءىشىنارا سۋبسيديالاۋ تۋرالى ماسەلەنى پىسىقتاۋدى تاپسىرعان بولاتىن. مۇنداي تۇرعىن ءۇي سەرتيفيكاتتارىن بەرۋ بىلىكتى ۇستازدار, دارىگەرلەر, پوليتسەيلەر جانە وڭىرگە قاجەتتى باسقا دا ماماندار ءۇشىن يپوتەكانىڭ قولجەتىمدىلىگىن ارتتىرا تۇسەدى. تاپ وسىنداي باستامانى نۇروتاندىقتار «پرەزيدەنتتىڭ بەس الەۋمەتتىك باستاماسىن» ىسكە اسىرىلۋىن باقىلاۋ جونىندەگى رەسپۋبليكالىق قوعامدىق كەڭەستىڭ وتىرىسىندا جاريا ەتكەن ەدى.
ساپار بارىسىندا ماۋلەن اشىمباەۆ جەرگىلىكتى پارتيا اكتيۆىمەن كەزدەستى. وندا ول پرەزيدەنت جولداۋىن, بەس الەۋمەتتىك باستامانى جانە باسقا دا مەملەكەتتىك باعدارلامالاردى ىسكە اسىرۋداعى «نۇر وتان» پارتياسىنىڭ ءرولى, اقپاراتتىق-ءتۇسىندىرۋ جۇمىستارىن ۇيلەستىرۋ, سونداي-اق ەلباسى تاپسىرمالارىنىڭ ورىندالۋىنا قوعامدىق مونيتورينگ ۇيىمداستىرۋ تۋرالى اڭگىمەلەپ بەردى.
ول «نۇر وتان» پارتياسىنىڭ ستراتەگيالىق كۇش جانە مەملەكەت باسشىسىنىڭ سەنىمدى تىرەگى رەتىندە پرەزيدەنت تاپسىرمالارىنىڭ ساپالى ورىندالۋىن قاتاڭ باقىلايتىنىن, مەملەكەتتىك ورگانداردىڭ جۇمىسىنداعى كەمشىلىكتەر تۋرالى اشىق ايتاتىنىن, قانداي دا ءبىر مەملەكەتتىك باعدارلامالاردىڭ ورىندالۋ بارىسىندا تۋىندايتىن ماسەلەلەردى انىقتاپ وتىراتىنىن ەرەكشە اتاپ ءوتتى.
– پارتيا جولداۋداعى باسىمدىقتاردىڭ جۇزەگە اسىرىلۋىنا جۇيەلى تۇردە قوعامدىق باقىلاۋ جۇرگىزەدى. تەك باقىلاپ قانا قويماي, سول جۇمىستارعا تىكەلەي قاتىساتىن جانە سونى قامتاماسىز ەتەتىن باستى كۇشكە اينالۋدى كوزدەپ وتىرمىز. بۇل – ەلباسىنىڭ بىزگە بەرىپ وتىرعان ناقتى تاپسىرماسى. قاجەت بولسا ولقىلىقتاردى جەرگىلىكتى اتقارۋشى ورگاندار مەن ۇكىمەتتىڭ الدىنا ماسەلە ەتىپ قويىپ, ونىڭ ءارى قاراي ساپالى جانە ۋاقىتىلى ورىندالۋىن تالاپ ەتۋ, ءتيىمدى جولدارىن كورسەتۋ, بارلىق ىستە تاباندىلىق تانىتۋ دا پارتيانىڭ مىندەتى بولىپ سانالادى. سوندىقتان «نۇر وتان» جولداۋدىڭ جۇزەگە اسىرىلۋىن قاتاڭ باقىلايدى,– دەدى ماۋلەن اشىمباەۆ.
وسىنداي كەزدەسۋ 4,5 مىڭعا جۋىق تۇرعىنى بار سىرداريا اۋدانى, شاعان اۋىلدىق ايماعىنىڭ حالقىمەن دە بولدى. بۇل جەردە «نۇر وتان» پارتياسى توراعاسىنىڭ ءبىرىنشى ورىنباسارى جولداۋدى ىسكە اسىرۋ ەلىمىزدىڭ ءار تۇرعىنىنا ماڭىزدى ەكەنىن تاعى دا اتاپ ءوتىپ, ستراتەگيالىق قۇجاتتا قاراستىرىلعان, بۇكىل قازاقستان بويىنشا اۋىل تۇرعىندارىنىڭ ءومىر ءسۇرۋ ساپاسىنا اسەر ەتەتىن بىرقاتار الەۋمەتتىك-ماڭىزدى ءىس-شارالارعا توقتالدى. اتاپ ايتقاندا, ول تاياۋ ۋاقىتتا ەڭ از مولشەردەگى جالاقىنىڭ 1,5 ەسەگە ءوسىپ, ءبىلىم بەرۋ مەن دەنساۋلىق ساقتاۋعا بولىنەتىن قاراجاتتىڭ كوبەيەتىنىن, سونداي-اق ەڭبەك ونىمدىلىگى مەن اۋىل شارۋاشىلىق ونىمدەرى ەكسپورتى الداعى جىلداردا 2,5 ەسەگە ارتاتىنىنا نازار اۋداردى. ماۋلەن اشىمباەۆتىڭ پىكىرىنشە, ەلباسى ۇسىنعان الەۋمەتتىك ءىس-شارالاردى تاياۋ ۋاقىتتا ەلىمىزدىڭ بارلىق اۋىل تۇرعىندارى سەزىنە باستايدى.
– قىزىلوردالىقتار جولداۋدىڭ كوپتەگەن باسىمدىقتارى بويىنشا ءوز ۇسىنىستارىن ايتىپ, پىكىرلەرىن بىلدىرۋدە. الداعى ۋاقىتتا ولاردىڭ ءبارىن پىسىقتاپ, مەملەكەتتىك ورگاندارمەن اقىلداسىپ, ولاردى ءارى قاراي ىسكە اسىرىلۋىنا قولداۋ كورسەتەتىن بولامىز. ياعني ءار ۇسىنىس پەن پىكىر جەردە قالماي, ەسكەرىلەتىن بولادى,– دەدى ماۋلەن اشىمباەۆ.
«نۇر وتان» پارتياسى توراعاسىنىڭ ءبىرىنشى ورىنباسارى قىزىلوردادا جاڭا پارتيالىق باستامالاردىڭ ىسكە اسۋىمەن تانىستى. بارلىق پارتيالىق جوبالاردى ساياسي كەڭەستىڭ وتكەن جولعى وتىرىسىندا مەملەكەت باسشىسى قولداپ, بۇگىندە ولار بۇكىل قازاقستاندا بەلسەندى ىسكە اسىرىلۋدا.
مىسالى, ماۋلەن اشىمباەۆ №3 اقپاراتتىق-تەحنولوگيالار مەكتەپ-ليتسەيىندە بولدى. وندا STEM جۇيەسى بويىنشا بالالاردى باعدارلامالاۋ مەن روبوت تەحنيكاسىنىڭ نەگىزدەرى بويىنشا وقىتۋ ءۇشىن تەگىن IT-سىنىپتار اشىلعان. جىل سوڭىنا دەيىن وقۋشىلاردىڭ قامتىلۋى – 100 ادامدى قۇرايدى. ۇستازدارمەن اڭگىمەلەسۋ كەزىندە ول وقىتۋشىلاردىڭ دارەجەسىن كوتەرۋ تۋرالى ارنايى زاڭنىڭ دايىندالىپ جاتقانىن ەسكە سالدى. اتالعان زاڭدا ۇستازدار مەن مەكتەپكە دەيىنگى ۇيىم قىزمەتكەرلەرىن ىنتالاندىرۋ ءۇشىن بارلىق ىنتالاندىرۋلار, جۇكتەۋدى ازايتۋ, ولارعا تيەسىلى ەمەس قىزمەتتەردەن شەكتەك قاراستىرىلماق.
مەملەكەت باسشىسى جولداۋدا جەرگىلىكتى اتقارۋشى ورگاندارعا دەنەشىنىقتىرۋدىڭ كوپشىلىككە قولجەتىمدىلىگىن ارتتىرىپ, مەكتەپتەردەگى سپورت قۇرال-جابدىقتارىن ءتيىمدى پايدالانىپ, اۋلالار, ساياباقتار, سكۆەرلەردى سپورتپەن شۇعىلدانۋعا ىڭعايلى ەتىپ قايتا جابدىقتاۋدى تاپسىردى.
نۇروتاندىقتار ارنايى پارتيالىق جوبا اياسىندا بۇل جۇمىسقا كىرىسىپ كەتتى. جەرگىلىكتى مەكتەپ-ليتسەيدە دەمەۋشىلەردىڭ ارقاسىندا سپورت الاڭى جاڭارتىلدى. ەندى بۇل جەردە وقۋشىلار عانا ەمەس, جاقىن ماڭايداعى تۇرعىندار دا فۋتبول, ۆولەيبول, باسكەتبول ويناپ جانە باسقا دا سپورت تۇرلەرىمەن اينالىسا الادى.
بۇگىندە ايماقتاعى 293 مەكتەپتە 682 سپورت الاڭى بار, ونىڭ 91-ءى فۋتبولعا ارنالعان الاڭ. 78-ءى جوندەۋدى تالاپ ەتەدى. قازىرگى ۋاقىتتا ايماقتاعى پارتيالىقتار سولاردى قايتا جوندەۋ جۇمىستارىن جۇرگىزىپ جاتىر. بۇل جەردە بىرتىندەپ «دەنساۋلىق ساباقتارى» اتتى تاعى ءبىر پارتيالىق جوبا ەنگىزىلەتىنىن دە اتاپ وتكەن ءجون. ايماقتا بارلىعى 72 425 وقۋشى جانە 3 مىڭ باستاۋىش سىنىپ ءۇشىن تاربيە ساعاتتارى, ترەنينگتەر, سالاماتتى ءومىر سالتىن ناسيحاتتايتىن سىنىپتان تىس ساباقتار جۇرگىزىلەدى.
ماۋلەن اشىمباەۆ سونىمەن قاتار, قىزىلوردا وبلىستىق ءا.تاجىباەۆ اتىنداعى امبەباپ عىلىمي كىتاپحاناداعى كوۆوركينگ-ورتالىقتىڭ جۇمىسىمەن تانىستى. كىتاپحانادا book-كافە, كوۆوركينگ-ورتالىق, «شاڭىراق» ينتەللەكتۋالدى ورتالىعى, قازاقستاننىڭ حالىق جازۋشىسى قالتاي مۇحامەتجانوۆتىڭ جەكە كىتاپحاناسى, قازاقستاننىڭ حالىق جازۋشىسى, اقىن ءابدىلدا تاجىباەۆتىڭ مۇراجايى, تاعى دا پارتيالىق جوبا اياسىندا 40 مامان دايىندالىپ جاتقان IT-پارك بار.
پارتيانىڭ باستاماسى ارقاسىندا ءداستۇرلى كىتاپحانا جاستاردىڭ جاڭا جوبالارى مەن پىكىرلەرىن ورتاعا سالاتىن كوۆوركينگ-ورتالىق بولىپ جۇمىس ىستەپ تۇر. قازىرگى ۋاقىتتا ايماقتا 2 كوۆوركينگ-ورتالىق جۇمىس ىستەپ, وبلىستىڭ اۋداندارىندا كىتاپحانالاردى جاڭعىرتۋ جۇمىسى بەلسەندى اتقارىلىپ جاتىر. باسقا بىرىڭعاي ونلاين-كىتاپحانا قۇرۋ پارتيالىق جوباسى اياسىندا تاريحي جانە مادەني قۇندىلىقتاردى كورسەتەتىن قۇجاتتار تسيفرلاندىرىلۋدا.
ايماقتا 209 كىتاپحانا بار, ونىڭ 129-ى ونلاين-كىتاپحانا جۇيەسىنە قوسىلعان. بۇگىندە تسيفرلى فورماتقا 5 463 دانا كىتاپ اۋىستىرىلعان. بۇل جەردە ماۋلەن اشىمباەۆ ايماقتىڭ 7 اۋدانىندا 350 بالاعا اعىلشىن ءتىلىن ۇيرەتىپ جاتقان «English for Jastar» جوباسىنىڭ قاتىسۋشىلارىمەن كەزدەستى. بۇگىنگى ۋاقىتتا 11 «بولاشاق» باعدارلاماسىنىڭ تۇلەكتەرى جانە جاسوتاندىق زاماناۋي جانە شەتەلدىك ادىستەمە ارقىلى وقۋشىلارعا ترەنينگتەر مەن كۋرستار وتكىزۋدە.
قىزىلوردا وبلىسىندا «نۇر وتان» پارتياسى توراعاسىنىڭ ءبىرىنشى ورىنباسارى كاسىپكەرلەرگە قىزمەت كورسەتۋ ورتالىعىندا بولىپ, «بيزنەسكە ارنالعان گەواقپاراتتىق ونلاين قىزمەت» جوباسىمەن تانىستى.
ماۋلەن اشىمباەۆ ەلباسىنىڭ جولداۋدا حالىقتى تولعاندىرعان بيۋروكراتيا, جەر جانە قۇرىلىس ماسەلەلەرىنە توقتالعانىن دا ەسكە سالدى. وسى سەبەپتەن مەملەكەت باسشىسى جەر قورى جانە جىلجىمايتىن م ۇلىك نىساندارىنا قاتىستى بىرىڭعاي اقپاراتتىق ەلەكتروندى فورماتقا 2019 جىلى – 80%, ال 2020 جىلى 90% كوشىرۋدى ۇسىنعان
«بيزنەسكە ارنالعان بىرىڭعاي گەواقپاراتتىق ونلاين قىزمەت» پارتيالىق جوباسى اياسىندا قىزىلوردادا بارلىق كوممۋنالدى قىزمەتتەرگە (ەلەكتر جارىعى, سۋ جىلۋ جۇيەسى) قوسىلۋعا رۇقسات الاتىن بىرىڭعاي اقپاراتتىق جۇيە جاسالعان.
ورتالىق كاسىپكەرلەرگە جەر, ارحيتەكتۋرا جانە قۇرىلىس, ينجەنەرلىك كوممۋنيكاتسيالارعا قوسىلۋ, مەملەكەتتىك كىرىس ت.ب. سۇراقتار بويىنشا ء«بىر تەرەزە» پرينتسيپىندە قىزمەت كورسەتەدى.
وسى جەردە قىزىلوردانىڭ 18 باعىتتان جانە 63 قاباتتان تۇراتىن (دەنساۋلىق, ءبىلىم بەرۋ, ينجەنەرلىك جۇيەلەر ت.ب.) ەلەكتروندى كارتاسى جاسالعان. كارتانىڭ كومەگىمەن ورتالىق ء«بىر ءوتىنىش» ءپرينتسيپى بويىنشا جەر تەلىمدەرىنە قاتىستى اقپاراتتىڭ بارلىعىن بەرە الادى. سونىمەن قاتار, ماۋلەن اشىمباەۆ وبلىستىق «رۋحاني جاڭعىرۋ» ورتالىعى جانە «قىزىلوردا تاريحى» مۇراجايىنا باردى.
