الماتىدان جۇما كۇنى شىعاتىن پويىز جەكسەنبى كۇنى كەرى قايتادى. ساياحاتشى جولاۋشىلار قوناق ءۇي ىزدەمەي, وسى پويىزدا تىنىعىپ, تۇركىستاندى ەكى كۇن ارالايدى. بۇل پويىز كەلەشەكتە كۇن سايىن ساپارعا شىعادى دەگەن جوسپار بار. سونىمەن قاتار, يەلىگىندە زامان تالابىنا ساي 100-دەن استام ۆاگون بار «تۇران ەكسپرەسس» كومپانياسى تۇركىستان مەن شىمكەنت قالالارى اراسىندا كۇن سايىن قاتىنايتىن پويىز باعىتىن اشۋدى دا قولعا الماقشى.
وبلىس اكىمى جانسەيىت تۇيمەباەۆتىڭ قابىلداۋىندا بولىپ, پىكىر الماسقان كومپانيا باسشىسى ءوڭىردىڭ ءتۋريزمىن دامىتۋعا ۇلەس قوساتىنىن ايتتى. بۇل ورايدا «تۇران.تۆ» تەلەارناسى تۇركىستان وبلىسى مەن تۇركىستان قالاسىنىڭ كورىكتى, شەجىرەلى ورىندارى تۋرالى بەينەماتەريالدار, رەپورتاجدار, فيلمدەر ازىرلەمەك. اكىمدىكتەگى كەزدەسۋ بارىسىندا «تۇران ەكسپرەسس» كومپانياسى مەن تۇركىستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسى, تۋريزم جانە سىرتقى بايلانىستار باسقارماسى جانە ىشكى ساياسات باسقارماسى اراسىندا ارىپتەستىك جانە ىسكەرلىك بايلانىس جونىندە مەموراندۋمعا قول قويىلدى.
عالىمجان ەلشىباي,
«ەگەمەن قازاقستان»
تۇركىستان وبلىسى
