قۇرامالار مەن بولىمدەردە بارلىق ساناتتاعى اسكەري قىزمەتشىلەرمەن جاۋىنگەرلىك ماشينالار پاركتەرىندە ماۋسىمدىق جۇمىستاردى ۇيىمداستىرۋ, سونداي-اق تەحنيكادا جۇمىس جاساۋ كەزىندە قاۋىپسىزدىك شارالارىن ساقتاۋ جونىندە كورسەتىلىمدى ساباقتار وتكىزىلدى. دايىنداۋ جانە قىزمەت كورسەتۋ بويىنشا وپەراتسيالاردى ورىندالۋ تەحنولوگياسى مەن بىرىزدىلىگى, جىلدىڭ سۋىق مەزگىلىندە تەحنيكا مەن قارۋ-جاراقتى پايدالانۋ ەرەكشەلىكتەرى مەن ءتارتىبى تولىق زەردەلەندى.
«باتىس» وڭىرلىك قولباسشىلىعىنىڭ ماتەريالدىق-تەحنيكالىق قامتاماسىز ەتۋ ورتالىعىنىڭ شتاب باستىعى پودپولكوۆنيك رۋسلان كۋباشەۆتىڭ ايتۋىنشا, بارلىق اسكەري بولىمدەر مەن بولىمشەلەر الدىن الا قاجەتتى قوسالقى بولشەكتەرمەن, اسپاپپەن جانە جانار-جاعارمايدىڭ بارلىق تۇرلەرىمەن قامتاماسىز ەتىلگەن. سونداي-اق, بەرىلگەن ۋاقىتتا اسكەري قىزمەتشىلەرگە تومەن سالقىنداتقىش سۇيىقتىقتاردى, سۇزگىلەۋ ەلەمەنتتەرى مەن توزىعى جەتكەن رەزەڭكە تەحنيكالىق بۇيىمداردى, ماي مەن مايلاعىشتاردى اۋىستىرۋ, توراپتار مەن مەحانيزمدەردى رەتكە كەلتىرىپ, جوندەۋ قاجەت. ءاربىر جاۋىنگەرلىك ماشينالار پاركىنىڭ اۋماعىن ءتيىستى جونگە كەلتىرىپ, ساقتاۋ ورىندارىنىڭ, پاركتىك ءۇي-جايلاردىڭ اعىمداعى جوندەۋىن جۇرگىزۋ, وندىرىستىك جابدىققا قىزمەت كورسەتۋ دە ماڭىزدى جۇمىستاردىڭ ءبىرى بولىپ تابىلادى.
ماۋسىمدىق جۇمىستاردى جۇرگىزۋ كەزىندە جاۋىنگەرلىك جانە ارنايى تەحنيكانىڭ, سونداي-اق جەكە قۇرام مەن قاۋىپتى جۇكتەردى تاسىمالداۋعا ارنالعان اۆتوموبيلدەردىڭ تەحنيكالىق جاي-كۇيىنە ەرەكشە نازار اۋدارىلاتىن بولادى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
