الماتى – الما قالاسى. اينالا تولى الما. كورمەنىڭ باستى تاقىرىبى دا وسىعان بايلانىستى. الما يدەياسى – بۇل جالعىز جەمىستىڭ تاريحى عانا ەمەس, ول شەكسىز, كوپ قىرلى. ناتيۋرمورت جانە پەيزاج, پورترەت پەن جانرلىق كورىنىستەر. ولار ءتۇرلى كەسكىندەمە, گرافيكا, فوتوسۋرەتتەر مەن گوبەلەن جانە باتيك سياقتى ساندىك ونەر تۋىندىلارىندا كورىنىس تابادى. ءبىر تاقىرىپتى ءار سۋرەتشى, شەبەر وزىنشە بەينەلەيدى.
ساندىك-قولدانبالى ونەر شەبەرلەرى بۇل نىشانداردى وزدەرىنىڭ تۋىندىلارىندا – كارتينا, زەرگەرلىك بۇيىم, پاننو, گوبەلەن, كيىز جانە تەرى بۇيىمدارىندا, باتيك سياقتى ونىمدەرىندە بەينەلەگەن. الما بەينەلەنگەن كادەسىيدى كەز كەلگەن جاستاعى جانعا سىي ەتىپ تارتۋعا بولادى. الما بەينەلى كادەسىيلار مولشىلىق پەن ساتتىلىكتىڭ نىشانى.
قازىرگى تاڭدا قولونەر بۇيىمدارىنىڭ كورمە-جارمەڭكەلەرى ورتالىق ازيا حالىقتارى اراسىندا ەكونوميكالىق جانە مادەني بايلانىستى دامىتۋدا ۇلكەن ءرول اتقارادى. كورمەگە قازاقستان, قىرعىستان, تاجىكستان, تۇرىكمەنستان, وزبەكستان جانە رەسەي ەلدەرىنەن كەلگەن 150 دەن استام قولونەر شەبەرلەرى قاتىسادى. ولار وزدەرىنىڭ شەبەرلىكتەرى مەن داستۇرلەرىن ۇرپاقتان-ۇرپاققا امانات ەتىپ قالدىرادى.
«التىن الما» كورمەسىنە قويىلاتىن بۇيىمدار ءارتۇرلى: اۆتورلىق ساندىك بۇيىمدار, كيىمدەر, ءساندى سومكەلەر, زەرگەرلىك بۇيىمدار, ديزاينەرلىك ويىنشىقتار, جەڭىل كورپەشەلەر, كەراميكا, قولدان جاسالعان سابىندار مەن كوسمەتيكالار, ينتەرەرلىك زاتتار, بەينەلەۋ ونەر تۋىندىلارى جانە تاعى كوپتەگەن سان الۋان زاتتار.
كورمە اياسىندا جارمەڭكەگە كەلۋشىلەر ءۇشىن كيىز, باتيك جانە قىشپەن جۇمىس جاساۋدىڭ ءادىس-تاسىلىنە ۇيرەتىنىن شەبەرلىك-ساباقتارى ۇيىمداستىرىلادى.
ايناش ەسالي,
«ەگەمەن قازاقستان»
الماتى
