بيىل ايماق باسشىسىنىڭ تاپسىرماسى بويىنشا قارجىلاندىرۋ كوزى تابىلىپ, ونكولوگيالىق ديسپانسەردىڭ قۇرىلىسى قايتا جاڭعىردى. NCOC كومپانياسى بۇل الەۋمەتتىك- ينفراقۇرىلىم جوباسىنا 7 ملرد. تەڭگەدەن استام قارجى ءبولدى. قۇرىلىس 2019 جىلدىڭ سوڭىنا قاراي اياقتالادى دەپ كۇتىلۋدە.
ماڭعىستاۋ وبلىستىق ونكولوگيالىق ديسپانسەرىندە دياگنوستيكالىق ورتالىق, 100 ورىندىق اۋرۋحانا بولادى. ءبىرىنشى قاباتتا ەمحانا, ەكىنشى قاباتتا اكىمشىلىك كورپۋس ورنالاسادى. 3-تەن 6-شى قاباتقا دەيىن حيميوتەراپيا, حيرۋرگيا, ساۋلەلىك تەراپيا, كۇندىزدى ەم-شارا ءبولىمى جانە ت.ب. بولادى.
بۇگىندە جاڭا كلينيكادا جۇمىس ىستەۋ تۋرالى ءۇش پروفەسسور جانە باسقادا دارىگەرلەرمەن كەلىسسوزدەر جۇرگىزىلۋدە.
وبلىس اكىمى ە.توعجانوۆ قۇرىلىس بارىسى تۋرالى اپتا سايىن بايانداپ تۇرۋدى تاپسىردى. سونداي-اق, بارلىق قاجەتتى زاماناۋي جابدىقتاردى ساتىپ الۋ جولدارىن قاراستىرۋدى قاجەتتىلىگىن جەتكىزدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
