2008 جانە 2012 جىلعى وليمپيادا ويىندارىنىڭ دوپينگ سىناماسى جاڭا ءادىس بويىنشا قايتادان تەكسەرىلىپ, حالىقارالىق وليمپيادا كوميتەتى رەسەيلىك تاتيانا لەبەدەۆانىڭ دوپينگكە قارسى ەرەجەنى بۇزعانى انىقتادى. اتاپ ايتار بولساق, ونىڭ 2008 جىلعى بەيجىڭ وليمپياداسىنداعى كورسەتكىشى كۇمان تۋدىرعان بولاتىن. حوك ونىڭ كورسەتكىشىن جوققا شىعاردى.
2008 جىلعى بەيجىڭ وليمپياداسىندا ولگا رىپاكوۆا ءۇش قارعىپ سەكىرۋدەن ءتورتىنشى ورىن العان بولاتىن. الايدا, گرەكيالىق حريسوپيا دەۆەتتسيدىڭ دوپينگ سىناماسى قايتا تەكسەرۋدەن وتكەن سوڭ, ول قولا مەدالىنەن ايىرىلىپ, رىپاكوۆا ءۇشىنشى ورىنعا شىققان.
لەبەدەۆا ءوزىنىڭ كىناسى جوق ەكەنىن ەكى جىل بويى دالەلدەۋگە تىرىستى. بىراق 2016 جىلدىڭ 12 قىركۇيەگىنەن باستاپ رەسەيلىك سپورتشى ەكى جىلعا سپورتتان شەتتەتىلىپ, ونىڭ 2008-2010 جىلدار ارالىعىنداعى ناتيجەسى جوققا شىعارىلدى.
وسىلايشا, ولگا رىپاكوۆا ءۇش وليمپيادادا جۇلدە العان سپورتشى اتانىپ وتىر. ول 2012 جىلعى لوندون وليمپياداسىندا التىن, 2016 جىلعى ريو وليمپياداسىندا قولا جۇلدەگە يە بولعان ەدى.
