سۋرەتتەر ەكولوگيالىق قاۋىپسىزدىك ورتالىعىنان الىندى
وسكەمەنگە كۇل جاۋدى ما, الدە قار جاۋدى ما؟ بۇگىن شاھاردىڭ پيتەر كوممۋنارلارى كوشەسىنىڭ تۇرعىندارى ەكولوگيالىق قاۋىپسىزدىك ورتالىعىنا تەلەفون شالىپتى. سول كوشە تۇرعىندارىنىڭ ءبىرىنىڭ تۇسىرگەن ۆيدەوسى جەرگىلىكتى سايتتاردىڭ بىرىندە جاريالاندى دا. «وتە ۇساق. قار جاۋىپ تۇر ما؟ جوق, قار ەمەس, پوروشوكقا ۇقساي ما؟ بۇل قالاي بولعانى؟ ءبىزدى تاعى نەمەن ۋلاپ جاتىرسىزدار. مەنىڭشە, بۇل - قار», - دەيدى كورىنىستى ىشتەن تاماشالاپ اڭ-تاڭ بولىپ تۇرعان قالا تۇرعىنى.
تۇرعىنداردىڭ شاعىمىنان كەيىن وقيعا ورنىنا كەلگەن ەكولوگتار قىسقاشا تۇسىنىكتىمە بەردى. ء«بىز وبلىستىق ەكولوگيا دەپارتامەنتىنىڭ ماماندارىمەن بىرگە پيتەر كوممۋنارلارى كوشەسىنە بارىپ, جاعدايمەن تانىستىق. كوشە بويىنداعى ماشينەلەر مەن اعاشتاردى كۇلگە ۇقساس دۇنيە جاۋىپ تاستاپتى. دەپارتامەنت ماماندارى وسى ماسەلە بويىنشا تالداۋ جاسايدى. بالكىم, «ماي» اق مەكەمەسىنە جوسپاردان تىس تەكسەرۋ جۇرگىزىلەتىن شىعار», - دەيدى ەكولوگيالىق قاۋىپسىزدىك ورتالىعىنىڭ مامانى ەلەنا پوليانتسەۆا.
ازامات قاسىم,
«ەگەمەن قازاقستان»
وسكەمەن
