اليحان بايمەنوۆ حابتىڭ مەملەكەتتىك قىزمەت سالاسىنداعى تاجىريبە جانە ءبىلىم الماسۋ الاڭى ەكەندىگىن اتاپ ءوتتى. ء«بىز مەملەكەتتىك قىزمەت سالاسىنداعى مۇمكىندىكتەر مەن شەشىمدەردى, سونىمەن قاتار جاھاندىق جانە ايماقتىق ترەندتەردى كورسەتەمىز. ءار ۇكىمەت وزىندىك ەرەكشەلىكتەرىن ەسكەرە وتىرىپ, وسىلاردىڭ قايسىسى وزدەرىنە وڭتايلى ەكەنىن انىقتايدى. نەگىزى مەملەكەتتىك قىزمەت سالاسىندا ۇستازدار مەن شاكىرتتەر جوق. دەگەنمەن, بارلىعى باسقا ەلدەردىڭ تاجىريبەسىن زەرتتەۋگە جانە ءوز تاجىريبەسىمەن بولىسۋگە مۇددەلى».
ەلشى چجان سياو تاڭداپ الىنعان جۇمىس باعىتىنىڭ وزەكتىلىگىن, سونىڭ ارقاسىندا استانا حابىنىڭ تابىستى قىزمەت اتقارىپ وتىرعانىن اتاپ ءوتتى: «حاب وڭىردەگى ەلدەرگە ءبىر-ءبىرىنىڭ تاجىريبەسىن ۇيرەنۋگە كەرەمەت مۇمكىندىك بەرىپ وتىر. ءاربىر ۇلتتىڭ ءوز مەنتاليتەتى مەن وزىندىك ەرەكشەلىكتەرى بار, سوندىقتان بارلىق ماسەلەلەردى شەشۋدىڭ امبەباپ ءتاسىلى جوق», - دەدى ول. سونىمەن قاتار چجان سياو مىرزا ء«بىر بەلدەۋ - ءبىر جول» باستاماسىنىڭ بەلدەۋ بويىندا ورنالاسقان ەلدەر ەكونوميكاسىنىڭ دامۋىنداعى ماڭىزدىلىعىن اتاپ وتە وتىرىپ, وسىنىڭ اياسىندا بىرلەسكەن ءىس-شارالاردى جۇزەگە اسىرۋدى قاراستىرۋدى ۇسىندى.
ءوز تاراپىنان, اليحان بايمەنوۆ قىتاي وكىلدەرىن ەلەكتروندىق ۇكىمەتتى دامىتۋ جونىندەگى پراكتيكتەر اليانسىنا قاتىسۋعا شاقىردى.
كەزدەسۋ بارىسىندا تاراپتار بىرلەسكەن زەرتتەۋلەر مەن حابقا قاتىسۋشى ەلدەردىڭ مەملەكەتتىك قىزمەتشىلەرىنىڭ الەۋەتىن ارتتىرۋعا ارنالعان ءىس-شارالاردى وتكىزۋ جانە ساراپشىلىق بايلانىستاردى كەڭەيتۋ ماسەلەلەرىن تالقىلادى.
قىتاي– استانا حابىنا قاتىسۋشى 40 ەلدىڭ ىشىندەگى بەلسەندى قاتىسۋشى ەلدىڭ ءبىرى. قىتايلىق ارىپتەستەرىمەن بىرلەسە وتىرىپ, حاب ءوڭىر ەلدەرىنىڭ مەملەكەتتىك قىزمەتشىلەرى ءۇشىن بىرقاتار سەمينارلار وتكىزدى. سونداي-اق قىتايداعى مەملەكەتتىك باسقارۋ رەفورمالارىنا ارنالعان «مەملەكەتتىك قىزمەتتىڭ رەفورمالارى مەن تاجىريبەلەرى» حالىقارالىق جۋرنالىنىڭ ارنايى باسىلىمىن شىعاردى
