قۋانتارلىعى سول, «دوستىق ۇيىندە» وتكەن شاراعا وزگە ۇلت وكىلدەرى دە قاتىسىپ, ءتاپ-ءتاۋىر ناتيجە كورسەتتى. اشىق ديكتانتتى ۇيىمداستىرۋداعى باستى ماقساتتاردىڭ ءبىرى دە وسى ەدى. ديكتانتتى وقۋ-تەكسەرۋ جۇمىستارىن جاڭادان قۇرىلعان «رەسۋرستىق ءتىل ورتالىعى» مەكەمەسىنىڭ بىلىكتى ماماندارى اتقاردى.
اتالعان مەكەمەنىڭ ادىسكەرى جانسايا مۇحامەتجانوۆا ديكتانت ءماتىنىن وقىپ, تاقىرىپپەن تانىستىرسا, مەڭگەرۋشى جۇپار جاقانوۆا قاتىسۋشىلاردىڭ ساۋاتتى جازۋىن تەكسەرىپ, اشىق ديكتانتقا قازىلىق ەتتى.
«قوعامدىق كەلىسىم» مەكەمەسىنىڭ ديرەكتورى ەرلان قۇسايىن قازاقستان حالقى اسسامبلەياسىنىڭ 2025 جىلعا دەيىنگى دامۋ تۇجىرىمداماسىن جۇزەگە اسىرۋ ماقساتىندا بىرنەشە جىلدان بەرى «مىڭ بالا» رەسپۋبليكالىق مادەني-اعارتۋ جوباسىنىڭ ۇيىمداستىرىلىپ كەلە جاتقانىن اتاپ ءوتتى. مەملەكەتتىك ءتىلدىڭ قولدانىس اياسىن كەڭەيتۋ ماقساتىندا مۇنداي شارالاردىڭ كوپتەپ ۇيىمداستىرىلىپ جاتقانىن دا تىلگە تيەك ەتتى.
ديكتانت جازۋ ىسىنە ەتنومادەني بىرلەستىكتەردەن بولەك مەملەكەتتىك جانە ازاماتتىق قىزمەتشىلەر, ستۋدەنتتەر, مەكتەپ وقۋشىلارى, قوعام قايراتكەرلەرى, سونداي-اق نيەت بىلدىرگەن تۇرعىنداردىڭ بارلىعى اتسالىستى.
وسى كۇنى اشىق ديكتانت «دوستىق ۇيىمەن» قاتار وبلىسىمىزدىڭ باسقا دا قالالارى مەن اۋداندارىنداعى كىتاپحانالاردا, وقۋ ورىندارى مەن مەكتەپتەردە دە ۇيىمداستىرىلدى.
«قوعامدىق كەلىسىم» مەكەمەسى الداعى ۋاقىتتا لاتىن ءالىپبيى بويىنشا دا اشىق ديكتانت ۇيىمداستىرىلاتىنىن جوسپارلاپ وتىر.
ەربولات قۋاتبەك,
«رەسۋرستىق ءتىل ورتالىعى» مەكەمەسىنىڭ ينسپەكتورى
قاراعاندى
