Michael Kors Holdings Limited كومپانياسىنىڭ يەلىگىندە بۇدان باسقا باعالى اكسەسسۋارلار ءسان ءۇيى Jimmy Choo دا بار. بىرنەشە ءسان الپاۋىتتارىن قاراۋىنا العان كومپانيا اتى بۇدان بىلاي Capri Holdings Limited بولىپ وزگەرەدى.
نەگىزى 1978 جىلى قالانعان دجانني ۆەرساچەنىڭ ءسان ءۇيى كەلىسىم بويىنشا اتاۋىن ساقتاپ قالادى. ال دوناتەللا ۆەرساچە يتاليان ءسان ءۇيىنىڭ ديزاينەرى قىزمەتىن جالعاستىرماق.
دوناتەللا ۆەرساچە ءوز ءسان ءۇيىنىڭ جۇمىسى, ونىمدەرى ەسكى قالپىن ساقتاپ قالاتىنىن ايتىپ ءوتتى. Michael Kors Holdings Limited باسقارما باسشىسى دجون ايدول ءوز كەزەگىندە تاجىريبەلى كومپانيامەن سەرىكتەس بولعانىنا, بىرلەسكەن باستاما جەمىستى بولاتىنىن ايتىپ, قۋانىشىن ءبىلدىردى
