كۇن تارتىبىندە سىبايلاس جەمقورلىققا قارسى ءىس-قيمىل جانە مەملەكەتتىك قىزمەتشىلەردىڭ ەتيكالىق كودەكسىنىڭ ساقتالۋىن قامتاماسىز ەتۋ شارالارى تالقىلاندى.
اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى ەرلان جانباەۆ جانە قۇقىقتىق ستاتيستيكا جانە ارنايى ەسەپكە الۋ كوميتەتى دەپارتامەنتىنىڭ باستىعى نۇرلان احمەتباەۆ وبلىس باسشىسىنا ەسەپ بەردى.
بايانداماشىلار سىبايلاس جەمقورلىقتىڭ الدىن الۋ شارالارى, مەملەكەتتىك قىزمەت سالاسىنداعى باقىلاۋ, سونداي-اق مەملەكەتتىك قىزمەتتەردىڭ ساپاسىن ارتتىرۋ جونىندەگى شارالاردىڭ تالداۋ ناتيجەلەرىن جاريالادى.
- ءبىز تسيفرلاندىرۋدى ەنگىزۋگە ەرەكشە نازار اۋدارامىز. قازىرگى ۋاقىتتا مەملەكەتتىك كىرىس ورگاندارىنان مەملەكەتتىك قىزمەتتىڭ 48 ءتۇرى ۇسىنىلىپ وتىر. 26 قىزمەت ءتۇرى «ازاماتتارعا ارنالعان ۇكىمەت» مەملەكەتتىك كورپوراتسيا ارقىلى جۇزەگە اسىرىلادى. سونىمەن قاتار, قاعاز فورماتىندا ۇسىنىلاتىن 14 مەملەكەتتىك قىزمەتتى ەلەكتروندىق فورماتقا اۋدارۋ بويىنشا جۇمىستار جۇرگىزىلۋدە, - دەدى اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باستىعى ەرلان جانباەۆ.
ايماق باسشىسى مەملەكەتتىك كىرىس ورگاندارىنىڭ اتقارعان جۇمىسىنا وڭ باعا بەرىپ,وڭىردە مەملەكەتتىك ورگاندار مەن حالىق اراسىندا تىكەلەي بايلانىس ورناتۋ بويىنشا اۋقىمدى جۇمىستار جۇرگىزىلىپ جاتقانىن اتاپ ءوتتى.
- ەلباسىنىڭ تاپسىرماسى بويىنشا , مەملەكەتتىك ورگانداردىڭ جۇرتشىلىقپەن كەرى بايلانىس ورناتۋ جۇمىسى جۇرگىزىلۋدە جانە بارلىق دەڭگەيدەگى باسشىلار ازاماتتاردى جەكە قابىلدايدى. سونىمەن قاتار, الەۋمەتتىك جەلىلەردە Telegram جانە ACQ قوسىمشاسى بەلسەندى جۇمىس ىستەۋدە.ولاردىڭ ارقايسىسىندا 3000-3 500 ادام تىركەلگەن, بارلىق وتىنىشتەر جان جاقتى قاراستىرىلىپ, سودان كەيىن حالىقپەن تىكەلەي بايلانىسقا شىعادى,- دەپ مالىمدەدى نۇرلان نوعاەۆ.
اكىمشىلىكتەر شاعىمداردى قابىلداپ, جاۋاپتارىن جىبەرەدى. بۇل باستاما جاقسى ناتيجەلەرىن كورسەتۋدە.
اتىراۋ وبلىسىنىڭ اكىمى بارلىق مەملەكەتتىك ورگانداردىڭ باسشىلارىنا حالىقتىڭ شاعىمدارى مەن وتىنىشتەرىنە ۋاقتىلى جاۋاپ بەرۋدى, كۇن سايىن ۇسىنىلاتىن مەملەكەتتىك قىزمەتتەردىڭ ساپاسىن ارتتىرۋدى تاپسىردى.
