بايولكەلىك بۇركىتشى قىز ايشولپان نۇرعايىپ قازاقتىڭ قاسيەتتى ورداسى استاناعا اتتانعان تۇستا, ياعني قىركۇيەك ايىنىڭ 22-ءسى كۇنى بايولكەلىكتەر ءۇشىن ەجەلدەن بەرى قىران باپتاۋشىلاردىڭ ۇيىق مەكەنى سانالىپ كەلگەن «قىزىل قايىڭ» اۋىلىندا قۇسبەگى قىزدار اراسىندا جارىس ۇيىمداستىرىلدى دەپ, حابارلايدى موڭعوليالىق اقپارات كوزى «مونتسامە» اگەنتتىگى.
ايشولپاننىڭ جەتىستىگىنەن كەيىن اتالمىش ولكەدە بالداعىنا قۇس قوندىرعان قىزدار كوبەيگەن. جەرگىلىكتى اتقامىنەرلەر بۇل جولعى قۇسبەگىلەر تويىن وتكەن عاسىردىڭ باسىندا ساياتشىلىق ونەردى يگەرۋىمەن داڭقى شىققان قوجامجار تورەنىڭ قىزى المانىڭ قۇرمەتىنە وراي وتكىزگەن كورىنەدى.
ساياتشى اپامىزدىڭ اتىن ۇلىقتاۋ ماقساتىندا ەسىمى قويىلعان «الماتوبە» باسىندا وتكەن قىز قۇسبەگىلەر سايىسىنا 8 جانە 16 جاس ارالىعىندا 12 بويجەتكەن بۇركىتشى قاتىسىپ, ولار قۇستى قولعا شاقىرۋ, شىرعاعا سالۋ سياقتى اتالىمدار بويىنشا سايىسىپتى. اقىرعى قورىتىندىدا قىزىلقايىڭدىق بۇركىتشى قىز ن.سۇلۋشاش ۇزدىك دەپ تانىلسا, كەلەسى جۇلدەلى ورىندارعا ب.بالدىر, س.اقەلىك اتتى قارىنداستارىمىز يە بولىپتى.
بەكەن قايرات ۇلى,
«ەگەمەن قازاقستان»
