قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى الماتى قالاسىنىڭ 2017-2019 جىلدارعا ارنالعان ءىس-شارالار جوسپارىن جۇزەگە اسىرۋ ماقساتىندا جانە اتالمىش باسقارمانىڭ 2018 جىلعا ارنالعان جۇمىس جوسپارىنا سايكەس وتكىزىلگەن بۇل جيىنعا مەملەكەتتىك مەكەمەلەردىڭ باسشىلارى, عالىمدار, اقىن-جازۋشىلار, قوعام مەن ونەر قايراتكەرلەرى, ساياسي پارتيالار مەن ۇكىمەتتىك ەمەس ۇيىمداردىڭ مۇشەلەرى, باق وكىلدەرى, قالا تۇرعىندارى, ستۋدەنتتەر مەن جاستار جانە مەكتەپ وقۋشىلارى قاتىستى.
مەرەكەلىك شارانى الماتى قالاسى اكىمنىڭ ورىنباسارى ارمان قىرىقباەۆ اشىپ, كەزىندە قازاق مەكتەپتەرىنىڭ جانە انا ءتىلىمىزدىڭ تاعدىرى قىل ۇستىندە تۇرعانى تۋرالى ايتا كەلە, سوڭعى ۋاقىتتا وسى باعىتتا قانداي اۋقىمدى شارۋالار اتقارىلعانى جايىندا كەڭىنەن اڭگىمەلەدى. ودان كەيىن وسى سالانى دامىتۋعا ۇلەس قوسىپ جۇرگەن ءبىر توپ ازامات الماتى قالاسى اكىمىنىڭ العىس حاتىمەن ماراپاتتالدى. جيىننىڭ رەسمي بولىگى اياقتالاعاننان كورەرمەندەر نازارىنا كونتسەرتتىك باعدارلاما ۇسىنىلدى.
راسىندا دا قازىرگى كەزدە وسى باعىتتا اتقارىلىپ جاتقان اۋقىمدى شارۋالار از ەمەس. ماسەلەن, قازاق ءتىلىنىڭ قولدانىلۋىن دامىتۋ, مەملەكەتتىك ءتىل ساياساتىن ناسيحاتتاۋ ماقساتىندا الماتى قالاسىنداعى ەتنو-مادەني بىرلەستىكتەردىڭ قاتىسۋىمەن ء«تىل – تاتۋلىق تىرەگى», «اباي وقۋلارى», «پۋشكين وقۋلارى», ء«تىل شەبەرى», ء«تىل دارىن», ء«تىل پاراسات» اتتى بايقاۋلار ۇزدىكسىز ۇيىمداستىرىلۋدا. مەملەكەتتىك ءتىلدىڭ قولدانىلۋىن ارتتىرۋ ماقساتىندا «مەملەكەتتىك ءتىل – مەنىڭ ءتىلىم», «كوركەمسوز وقۋ شەبەرلەرى», ء«تىل مەرەيى», «انا ءتىلىم – ارداعىم», «مەملەكەتتىك ءتىل جانە باق» اتتى قالالىق بايقاۋلار وتكىزۋ داستۇرگە اينالعان.
اتالعان قالالىق كونكۋرستار مەن ءىس-شارالارعا جىل باسىنان بەرى 400-دەن اسا ادام قاتىستى. بۇقارالىق اقپارات قۇرالدارىندا وسى تاقىرىپتا 70-تەن اسا ماتەريال جاريالاندى. ءىس-شارالاردى وتكىزۋ بارىسىندا 150-دەن اسا ادام ۋاقىتشا جۇمىس ورنىمەن قامتاماسىز ەتىلدى.
الماتى قالاسىندا مەملەكەتتىك قىزمەتشىلەرگە قازاق جانە اعىلشىن تىلدەرىن وقىتۋ كۋرستارى ۇيىمداستىرىلعان. جاڭا تەحنولوگيامەن جابدىقتالعان وقۋ كابينەتتەرى جۇمىس ىستەيدى. ولاردىڭ بارلىعى ءىس جۇرگىزۋگە قاجەتتى قۇجاتتاردىڭ مەملەكەتتىك تىلدەگى ۇلگىلەرى مەن ەكى ءتىلدى ەلەكتروندى سوزدىكتەرمەن, قازاق ءتىلى ورفوگرافياسى مەن ورىس تىلىنەن قازاق تىلىنە اۋدارما جاساۋ جانە تىلدەردى وقىتۋدا ءجيى قولدانىلاتىن 30-دان استام ەلەكتروندى باعدارلامالارمەن قامتاماسىز ەتىلگەن.
بيىلعى 2018 جىلى 817 تىڭداۋشى قازاق ءتىلى كۋرسىنا قاتىسىپ جاتسا, 350 مەملەكەتتىك قىزمەتشى اعىلشىن ءتىلىن ۇيرەنىپ ءجۇر. بۇعان قوسا 148 ەتنوس وكىلى قازاق ءتىلىن, 175 ەتنوس وكىلى ءوز انا تىلدەرىن ۇيرەنۋدە. بۇل جۇمىسقا 9 قازاق ءتىلىنىڭ, 5 اعىلشىن ءتىلىنىڭ, 2 ەتنوس ءتىلىنىڭ وقىتۋشىسى جانە 2 ادىسكەر تارتىلىپ وتىر.
عالىم سۇلەيمەن,
«ەگەمەن قازاقستان»
الماتى
