جاستارعا جاڭاشىلدىق جاراسادى

كەشە استانادا رەسپۋبليكالىق «بايگەگە بارىڭدى سال, جاس قالام!» جاس جۋرناليستەر مەن كاريكاتۋراشىلار بايقاۋىنىڭ جەڭىمپازى مەن جۇلدەگەرلەرىن ماراپاتتاۋ ءراسىمى ءوتتى. بۇل بايقاۋ بيىلعى جىلدىڭ 9 ماۋسىمى كۇنى ەل تاۋەلسىزدىگىنىڭ 20 جىلدىعىنا وراي «نۇر استانا» رەس­­پۋبليكالىق جاستار اپتالىعى مەن استانا قالاسىنىڭ جاستار سايا­ساتىن قولداۋ مەملەكەتتىك قورىمەن جانە «ەلوردا جاستارى» قوعامدىق قو­رى­مەن بىرلەسىپ جاريالانعان بو­لاتىن. ونىڭ ماقساتى – جاس جۋرناليستەر مەن جاس سۋرەتشىلەر اراسىن­دا شى­عارماشىلىق بەلسەندىلىكتى ارت­تىرۋ, ولاردىڭ ۇزدىك يدەيالارىن ىسكە اسىرۋعا ىقپال ەتىپ, شىعار­ما­شىلىق باسەكەلەستىكتى كۇشەيتۋگە ات­سالىسۋ, سونداي-اق سوڭعى كەزدەرى كەنجەلەپ قالعان كاريكاتۋرا, وچەرك, پامفلەت پەن فەلەتون جانرلارىن دامىتۋ. ءسويتىپ, جارتى جىلدان بەرى ەلى­مىزدىڭ تۇكپىر-تۇكپىرىنەن «نۇر استانا» گازەتىنىڭ رەداكتسياسىنا ءتۇرلى جانر­دا كەلىپ تۇسكەن 60-قا تارتا ما­­­قالا مەن 20-عا تارتا كاريكا­تۋ­را­نىڭ ارا­سىندا مىنا جاس تالاپتىلار جە­ڭىم­پاز بەن جۇلدەگەرلەر اتاندى. ءبىرىنشى ورىندى «الاش ايناسى» گازە­تىنىڭ ءتىلشىسى ءماريام ءابساتتار جە­ڭىپ ال­دى. ەكىنشى ورىنعا جامبىل وب­لىس­تىق «ار-اي» جاستار گازەتىنىڭ ءتىلشىسى قامار قاراساي مەن سەمەي مەملەكەتتىك پەداگوگيكا ينستيتۋتى بەينەلەۋ ونەرى جانە سىزۋ فاكۋل­تە­تىنىڭ ستۋدەنتى جاننا ءجۇنىسوۆا يە بولدى. بۇل جەردە جاس سۋرەتشى قازىلار القاسىنىڭ مۇشەسى بولعان ءارىپ­تەسى­مىز, بەلگىلى سۋرەتشى, ايداربەك عا­زيزدىڭ قولىنان ديپلوم العانىن ايتا كەتكەن ءجون. ءۇشىنشى ورىن ءال-فارابي اتىن­­داعى قازاق ۇلتتىق ۋنيۆەرسيتەتى جۋرناليستيكا فاكۋل­تەتىنىڭ ستۋدەنتتەرى ماحاببات جاي­ىلحان مەن ءمولدىر دار­­­حانباەۆاعا جانە قاراعاندى وب­لىس­­­­تىق «ليموناد» جاستار جۋرنا­ل­ى­نىڭ رەداك­تو­رى دۋلات امانجولعا بەرىلدى. ال ورال قالاسىنىڭ س.سەيفۋللين اتىنداعى دارىندى بالالارعا ارنالعان №11 مەكتەپتىڭ وقۋشىسى الپامىس فايزوللا, الماتى وبلى­سى, جامبىل اۋدانى, ۇزىناعاش اۋى­لىن­داعى ورتا مەكتەپ وقۋشىسى نۇر­گۇل قۇرمانبەك پەن الماتى قا­لاسى, ا.قارساقباەۆ اتىنداعى №41 مەك­تەپ­تىڭ وقۋشىسى ايزادا بيجانوۆا ىنتالاندىرۋ سىيلىعىن يەلەندى. بايقاۋ قورىتىندىسىندا جەڭىم­پاز بەن جۇلدەگەرلەرگە ديپلوم­دار­دى قازىلار القاسىنىڭ مۇشەلەرى – بەلگىلى قالامگەر, پۋبليتسيست شارحان قازىعۇل, «نۇر استانا» گازە­تىنىڭ باس رەداكتورى عابيت مۇسىرەپ, «ەگەمەن قازاقستان» گازەتىنىڭ ءتىلشى-سۋرەتشىسى ايداربەك عازيز بەن استانا قالاسى جاستاردى قولداۋ مەملەكەتتىك قورىنىڭ ديرەكتورى امانبەك تولەپبەرگەن تابىس ەتتى. داستان كەنجالين.