«قازاگروقارجى» قولداعان جوبالار

وڭىردە اۋىل شارۋاشىلىعىن دامىتۋدىڭ مۇمكىندىگى مول. الايدا, قازىر قاي شارۋا­نىڭ دا جۇزەگە اسۋى قارجىعا تىرەلەتىنى بەلگىلى. اسىرەسە, اۋىل شارۋاشىلىعىندا نەسيە الۋ كىم كورىنگەننىڭ قولىنان كەلە بەرمەيدى. وسىنداي وزەكتى ماسەلەنى شەشۋدە «قازاگرو­قارجى» اكتسيونەرلىك قوعامىنىڭ الاتىن ورنى بولەك. بۇل كومپانيا ءبىزدىڭ وڭىردە دە بىرقاتار تيىمدىلىگى جوعارى جوبالاردى ءجۇ­زەگە اسىرۋعا قولداۋ كورسەتىپ كەلەدى. سونىڭ ءبىرى دە بىرەگەيى – «ايس» جاۋاپكەرشىلىگى شەكتەۋلى سەرىكتەستىگىنىڭ تاۋارلى-ءسۇت فەر­ما­سى. شىنى كەرەك, كەڭەس وداعىنىڭ كەزىندە سۇتكە تۇراتىن تۇرعىنداردىڭ كەزەگىنىڭ قان­شا­لىقتى بولاتىنىن كوزى كورگەندەر بىلمەسە, كەيىنگى ۇرپاقتار ۇمىتقانى داۋسىز. ءبى­راق تا ءسۇت ونىمدەرىنە دەگەن سۇرانىس ازىرگە سىرتتان كەلەتىن ونىمدەرمەن قامتاماسىز ەتىلىپ جاتقانى ءسوزسىز. دەسەك تە, بۇل ءما­سە­لەنى شەشۋگە جاڭا قادام جاسالۋدا. بۇعان ءبىزدىڭ جەر استى قازبا بايلىقتارىمىزعا قى­زىققان شەتەلدىك كومپانيالار ەمەس, وتان­دىق «قازاگروقارجى» اكتسيونەرلىك قوعامى قىزىعۋشىلىق تانىتىپ وتىرعانى قۋانتا­دى. «ايس» جاۋاپكەرشىلىگى شەكتەۋلى سەرىك­تەس­تىگىنىڭ تاۋارلى-ءسۇت فەرماسىنا 1100 سا­ۋىن سيىر ۇستاۋىنا كومەك كورسەتكەن دە وسى اكتسيونەرلىك قوعام. بۇل جوبانىڭ قۇنى 3 ملرد. تەڭگەگە جۋىق قارجى تۇرادى. تاۋار­لى, ءسۇت فەرماسى باتىستىڭ وزىق تەحنولو­گيا­سى­مەن جابدىقتالعان. مۇندا جاقسى جاراقتان­دىرىلعان ەكى ساۋىن سيىر, ەكى بۇزاۋ قورا­لا­رى جانە ساپالى ءسۇت وندەۋگە قاجەتتى جاب­دىقتاردىڭ ءبارى بار. تاۋارلى-ءسۇت فەرما­سى­نا العاشقى كەزەكتە ۆەنگريادان ونىمدىلىگى جوعارى 198 قاشار اكەلىندى, ودان كەيىن ەكىنشى جانە ءۇشىنشى توپپەن 850 قاشار جەتكىزىلدى. قازىر بۇل قاشارلار العاشقى تولدەرىن بەرۋدە. فەرمادا زووتەح­نيكالىق, ءمالدارى­گەر­لىك تالاپتار قاتاڭ ساق­تالادى. فەرمادا ۇستالاتىن مالدىڭ ازىق­تانۋ مولشەرىن ءتا­جىريبەسى دە, عىلىمي ىزدەنىسى دە مول شەتەلدىك عالىمنىڭ كەڭەسىمەن جۇزەگە اسىرىلادى. سيىرلاردى ساۋ اۆتو­مات­تان­دىرىلعان ءجۇ­يە­مەن جۇزەگە اسىرى­لادى. ءار ساۋىن سيىر­دىڭ قانشا, قاشان ءسۇت بەرگەنى كومپيۋتەرلىك جۇيەمەن قاداعالانىپ وتىرادى. قازىر قا­شار­لاردىڭ ارقايسىنان كۇنىنە 23 ليتردەن ءسۇت ساۋىلادى. بۇدان دا كوپ ءسۇت بەرەتىن سيىرلار بار. تاۋارلى-ءسۇت فەرماسىن­داعى ءار قاشار جىلىنا 4-4,5 مىڭ ليتر بەرگەنىمەن, بولاشاقتا ونىمدىلىگىن كوبەيتە­تى­نى­نە ءسوز جوق. ولاردى سەرىكتەس­تىكتىڭ مال ما­مان­دارى ارنايى نازاردا ۇستايدى. تاۋارلى-ءسۇت كەشەنىندەگى جۇمىس­تاردىڭ بارلىعى اۆ­تو­ماتتان­دىرىلعان. ءسۇت فەرماسىنداعى ساۋىن سيىر­لاردىڭ قىسقى كەزەڭدە ازىق­تا­نۋى ءۇشىن 3000 توننا سۇرلەم, 4000 توننا پىشەندەمە دايىندالىپ الىن­عان. جەمدىك اس­تىق تولتى­رىلۋى دا ويلاستى­رىلعان. بۇعان قوسىمشا جەرگىلىكتى شارۋا قوجالىقتارىنان ساتىپ الىنعان پىشەن دە بار. فەرما قىستى جاقسى وتكىزۋدە. الىنعان بۇزاۋلار ارنايى تورلاردا ۇستالىپ, كەزەڭ-كەزەڭىمەن باعىلۋ­دا. سەرىكتەستىك الىنعان تولدەردىڭ تايىن­شا­لارىن سەمىرتۋ الاڭىن سالۋدى دا وي­لاستىرۋدا. قالدىقسىز تەحنولوگيامەن جۇ­مىس ىستەيتىن شارۋاشىلىقتار سيرەك. بۇل سەرىكتەستىك بولسا, بولاشاقتا مالدىڭ ءسۇتى مەن قيىنا دەيىن كادەگە جاراتۋدى جوسپارلاۋدا. سەرىكتەستىك الداعى كەزدە سۋارمالى جەرلەرگە مال ازى­عىندىق داقىلداردى ءوسىرۋدى جوسپارلاپ وتىر. تاۋار­لى-ءسۇت فەرماسى مال ازىعىن سۋار­مالى جەرگە ورنالاستىرۋدىڭ دا ءمۇم­كىن­دىگىن قاراس­تىرۋدا. وڭىردەگى ەكىنشى ءبىر وركەندى جوبانى جۇزەگە اسىرعان «پاريج كوممۋناسى» جشس ديرەكتورى گايك تەرتەريان «قازاگروقارجى» اكتسيونەرلىك قوعامىنان 2 ميلليارد تەڭگەگە جۋىق نەسيە الۋعا قول جەتكىزىپتى. كەشەن قۇرىلىسىن سالۋعا بەستاماقتاعى بۇرىنعى قۇس فابريكاسى تۇرعان جەر بولىنگەن. الدى­مەن 40 مىڭ شوشقا باعىلاتىن مال شارۋا­شىلىعى كەشەنى قۇرىلىسىنىڭ جوباسى جا­سالدى. «ءرىس» ترانسۇلتتىق كومپانياسىنان العاشقىدا 1400 مەگەجىن اكەلىنگەن, قازىر وعان وزدەرىنىڭ 1800 مەگەجىنىن قوسقان. جال­پى جىلىنا 40 مىڭ شوشقا ۇستالادى. باس­تاپقىدا جىلىنا 2,5 مىڭ توننا شوشقا ەتىن وندىرەتىن كاسىپورىن بيىل ونى 3,5 مىڭ تونناعا جەتكىزدى. وسىنشاما شوشقا ەتىنىڭ 90 پايىزى رەسەيگە وتكىزىلەدى. ءونىمدى وزدەرى كەلىپ الىپ كەتەدى, سۇرانىس وتە جوعارى. كەشەن قۇرامىندا اۋىسىمىنا 150 شوشقا سويۋ تسەحى, ساعاتىنا 10 توننا قۇراما جەم تار­تاتىن تسەح, مالدارىگەرلىك زەرتحانا جۇمىس ىستەيدى. جالپى مۇنداعى سويۋ تسەحى ەلىمىزدەگى بىرەگەي كاسىپورىن بولىپ تابىلادى. – جالپى ەلىمىزدە كاسىپكەرلىكتى دامى­تۋ­عا بارلىق قولايلى جاعداي جاسالعان. اكىم­دىك تە, «قازاگروقارجى» اكتسيونەرلىك قوعا­مى دا شارۋانىڭ جۇرۋىنە مۇددەلىلىك تانى­تىپ, ەلدىك ماسەلە رەتىندە قارادى. ەكونو­ميكامىزدىڭ ىلگەرىلەۋىنە وسىنداي قولداۋدى سەزىنۋ جاڭا بيىكتەرگە ۇمتىلدىراتىنى ءسوزسىز, – دەيدى «پاريج كوممۋناسى» جشس ديرەكتورى گايك تەرتەريان. بۇعان دەيىن جەمدىك ازىقتى ساتىپ الىپ كەلگەن سەرىكتەستىك 6 مىڭ گەكتار جەر جىر­تىپ, الداعى جىلى استىق وسىرۋگە ازىرلەپ قويدى. الداعى ۋاقىتتا سورگو ءوسىرۋدى قولعا الماقشى. سەرىكتەستىكتە 250-دەي ادام ەڭبەك ەتەدى, مال شارۋاشىلىعى كەشەنىندە 80-گە جۋىق ادام جۇمىس ىستەيدى. جۇمىسشى­لار­دىڭ بارلىعى جەرگىلىكتى تۇرعىندار, ولاردى اقتوبە, العا قالالارىنان جانە تامدى, بەستاماق كەنتتەرىنەن 5-6 اۆتوبۋسپەن تا­سى­مالداپ جەتكىزەدى. سەرىكتەستىك الداعى جىل­دان باستاپ «قازاگروقارجىدان» العان نەسيەسىن قايتارا باستايدى. – بۇدان باسقا «Izet Greenhous» جىلى­جايىنا جانە باسقا جوبالارعا قولداۋ كور­سەت­تىك. بۇل جۇمىس الدا دا جالعاسىن تابا­دى. ءبىز اۋىلدى دامىتۋعا قولداۋ كورسەتۋدە ءوزارا تيىمدىلىككە قول جەتكىزىپ كەلەمىز. اكتسيونەرلىك قوعام ۇسىناتىن قىزمەتتەردىڭ شا­رۋا­شى­لىعىن جۇرگىزۋگە تالاپتى ادام­دار­عا قولايلى ەكەنى ءسوزسىز. قازىر بىزبەن ءارىپ­­تەس بولۋعا ىنتالى اۋىل شارۋاشى­لى­ع­ى قۇ­رىلىمدارى كوبەيدى, – دەيدى «قاز­اگرو­قارجى» اق اقتوبە وب­لىس­تىق فيليا­لىنىڭ ديرەكتورى قورعان نۇرتازين. شىنى كەرەك, بۇل كومپانيا ەل دا­مۋ­ى­نىڭ قارقىنىنا ەكپىن قوسىپ كەلەدى, اتىنا زاتى ساي دەگەندى وسىندايدا ايتسا كەرەك. ساتىبالدى ءساۋىرباي. اقتوبە وبلىسى.