41 جاستاعى ايتۋلى ماماننىڭ ەسىمى فۋتزال الەمىندە كەڭىنەن تانىمال. باپكەرلىك كاسىپتى باستاعالى بەرى ول رەسەيدىڭ «سپارتاك-ششەلكوۆو», تسسكا جانە «دينامو-يامال» كلۋبتارىندا جەمىستى ەڭبەك ەتتى. كەيىننەن باكۋدىڭ «نەفتچيى» مەن ءازىربايجاننىڭ جاستار قۇراماسىن جاتتىقتىرىپ, سول كوماندالاردىڭ ءبىراز بەلەستەردى باعىندىرۋىنا سۇبەلى ۇلەس قوستى. قاپ تاۋى بوكتەرىندە ءبىراز جىل ەڭبەك ەتكەننەن كەيىن قايتا رەسەيگە ورالىپ, ايگىلى «گازپروم-يۋگرانىڭ» تىزگىنىن ۇستادى. ۇستىمىزدەگى جىلدىڭ كوكتەم ايلارىندا قازاقستانعا ات باسىن بۇرىپ, الماتىنىڭ «قايراتىن» باپتاي باستادى. مىنە, ەندى كاكا قازاقستاننىڭ ۇلتتىق قۇراماسىن دا جاتتىقتىرادى.
ەستەرىڭىزگە سالا كەتەيىك, 23 قىركۇيەكتە جەرلەستەرىمىز باكۋدە ءازىربايجان قۇراماسىنا قارسى جولداستىق كەزدەسۋ وتكىزەدى. سول باسەكەدە قازاقستاندىق فۋتزالشىلارعا كاكا جەتەكشىلىك ەتەدى.
عالىم سۇلەيمەن,
«ەگەمەن قازاقستان»
