«قىركۇيەك ايىندا 17 مىڭ جولاۋشى جول ءجۇرۋ اقىسىن سمس نەمەسە QR-كودتار ارقىلى تولەپ ۇلگەرگەن. ادامدار كولىك كارتالارىنا اقشا سالىپ, كەيدە تولەمدى جىلدام ەنگىزە المايتىن كەزدەر بولادى. 180 تەڭگە تولەمەس ءۇشىن SMS نەمەسە QR-كود ارقىلى تولەم جۇرگىزۋ جولىن ەنگىزدىك. ادامدار جول اقىسىن تولەۋدىڭ وسى ءتۇرىن قازىر ءجيى پايدالانا باستادى», - دەدى ۇيىمنىڭ ءباسپاسوز حاتشىسى ناۋات ازانباەۆا.
ەسكە سالا كەتسەك, قوعامدىق كولىكتەردەگى جول اقىسىن تولەۋدىڭ بۇل جولدارى 2017 جىلدىڭ قىركۇيەك ايىندا ەنگىزىلگەن بولاتىن. جولاقىنى QR-كودپەن تولەۋ «SMSBus جولاۋشى», «موي Beeline» (ەگەر Beeline ابونەنتى بولساڭىز), Homebank (ەگەر سىزدە Halyk Bank جانە Qazkom كارتالارى بولسا) ءموبيلدى قوسىمشالارى ارقىلى جۇرگىزىلەدى.
بۇعان دەيىن ن. ازانباەۆا ءمالىم ەتكەندەي, Homebank ارقىلى تولەگەندە اقشا ءسىزدىڭ تەلەفون تەڭگەرىمىڭىزدەن نەمەسە بانك كارتاڭىزدان الىنادى. ال «موي Beeline» قوسىمشاسىندا - ءنومىرىڭىزدىڭ بالانسىنان الىنادى. تele2 جانە Altel ابونەنتتەرى Halyk Bank (Qazkom) كليەنتتەرى بولعان جاعدايدا Homebank قوسىمشاسىن قولدانا الادى.
