كورمەنىڭ اشىلۋ سالتاناتىنا قازاقستان رەسپۋبليكاسى پرەزيدەنتى كەڭسەسىنىڭ باسشىسى, قر تۇڭعىش پرەزيدەنتى – ەلباسى كىتاپحاناسى ديرەكتورىنىڭ مىندەتىن اتقارۋشى ماحمۇد قاسىمبەكوۆ, اتىراۋ وبلىسىنىڭ اكىمى نۇرلان نوعاەۆ, ءوڭىردىڭ زيالى قاۋىم وكىلدەرى مەن ستۋدەنت جاستارى قاتىستى. ماxمۇد قاسىمبەكوۆ جايىق جاعاسىنا ەلباسىنىڭ ارنايى تاپسىرماسىمەن كەلگەنىن اتاپ ءوتتى.
-قاسيەتتى اتىراۋ جەرىنە ۇلكەن تاريxي ماڭىزى بار قۇندى جادىگەر الىپ كەلدىك. تۇڭعىش پرەزيدەنتىمىز ن.نازارباەۆتىڭ كوشپەلى مۋزەيىنەن كەلگەن كورمەدە 1000-نان اسا قۇندى جادىگەرلەر مەن قولجازبالارى, 50-دەن اسا مەملەكەت تابىستاعان ماراپاتتار بار. سونىمەن قاتار, ەلباسىنىڭ تىكەلەي نۇسقاۋلىعىمەن مۇنايلى ولكەگە 130 ادامنان قۇرالعان پرەزيدەنت وركەسترىمەن بىرگە كەلىپ وتىرمىز. بۇل ەلباسىنىڭ اتىراۋ جۇرتشىلىعىنا ارنايى سىيى,- دەيدى قر پرەزيدەنتى كەڭسەسىنىڭ باسشىسى.
كىتاپحانا جيناقتارى نەگىزىندە قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ تاۋەلسىز قازاقستاننىڭ تاريحي ومىرىندەگى ءرولىن جۇيەلى تۇردە كەڭىنەن كورسەتۋدى ماقسات ەتكەن كورمە ءتورت بولىمنەن تۇرادى.
سالتاناتتى شارادا وبلىس اكىمى نۇرلان نوعاەۆ: «تاۋەلسىز قازاقستان مەن نۇرسۇلتان نازارباەۆ - ەگىز ۇعىم. ەلىمىز تاۋەلسىزدىككە قول جەتكىزبەي تۇرىپ, بولاشاعىن ساراپتاي الماعان كەزدە ەلباسىمىز جەكە جاۋاپكەرشىلىك الىپ, بارلىق قازاقستاندىقتار قولداۋىمەن الەمدىك قاۋىمداستىقتا ءوز ورنى بار مەملەكەتىمىزدى قۇرعان بولاتىن. وسى كەزەڭدەردە پرەزيدەنتىمىز كورەگەندىلىگىمەن تالاي سىندارلى ساعاتتاردان ءوتتى. بۇگىنگى بەيبىتشىلىگىمىز سول ەڭبەكتىڭ جەمىسى. كورمە بارىسىندا ەلباسى تۋرالى بۇرىن-سوڭدى بەيمالىم بولعان اقپاراتتاردى الىپ, ساياساتتاعى تۇلعالاردىڭ ەلىمىز, كوشباسشىمىز تۋرالى وي-پىكىرلەرىمەن تانىسا الاسىزدار. بۇگىنگى شارا - تاريxي شارا. سول تاريxتىڭ كۋاسى بولۋعا بارلىعىڭىزدى شاقىرامىن,- دەپ اتاپ ءوتتى.
كوشپەلى كورمە جوباسى بۇعان دەيىن الماتى, شىمكەنت قالالارىندا جۇزەگە اسقان. ەكى قالادا دا جوعارى دەڭگەيدە وتكەن كورمەنى 250 مىڭنان استام ادام تاماشالاپتى. ەندى بۇل قاتاردى مۇنايلى ءوڭىر تۇرعىندارى تولىقتىرادى.
جوبا اياسىندا قر پرەزيدەنتى كەڭسەسىنىڭ باسشىسى ماxمۇد قاسىمبەكوۆ اتىراۋلىق ستۋدەنتتەرمەن كەزدەستى. ح.دوسمۇxامەدوۆ اتىنداعى اتىراۋ مەملەكەتتىك ۋنيۆەرسيتەتىندە ستۋدەنتتەرگە ارنالعان قازاقستان رەسپۋبليكاسىنىڭ تۇڭعىش پرەزيدەنتى - ەلباسى كىتاپxاناسىنىڭ - "رۋxاني جاڭعىرۋ : بولاشاققا باستار جول" اتتى سەمينار-ترەنينگى ءوتتى.
-اتىراۋعا كەلگەن ءىسساپار بارىسىندا ەڭ الدىمەن ەلباسىنىڭ ءومىر جولى تۋرالى كىتاپتاردى تابىستاۋدى ءجون كوردىم. بۇل كىتاپتاردا پرەزيدەنتىمىز, ونىڭ ءومىربايانى, سونداي-اق پرەزيدەنتتىك جولى تۋرالى دەرەكتەر بار. وسى دەرەكتەردى وقۋ ۇردىسىنە پايدالانۋدى ۇسىنامىن. جاستارىمىز ەل مەن ەلباسى تاريxىنان xاباردار بولۋى كەرەك,- دەيدى ماxمۇد قاسىمبەكوۆ.
كوشپەلى كورمەنىڭ سالتاناتىن قر مەملەكەتتىك كۇزەت قىزمەتى پرەزيدەنتتىك وركەسترىنىڭ ارنايى كونتسەرتى ايشىقتاي ءتۇستى. اتىراۋدا العاش بولعان ۇجىمنىڭ مەرەكەلىك كونتسەرتىن مىڭنان استام ادام تاماشالادى. ايتا كەتەيىك, ەلباسى كورمەسى ەكى اي بويى وبلىستىق مۋزەيدە بولادى.
باقىتگۇل باباش,
«ەگەمەن قازاقستان»
اتىراۋ
