– سارى قۇرلىق بىرىنشىلىگىنە 1,5 ايداي تىڭعىلىقتى دايىندالدىق. شىنى كەرەك, ءدۇبىرلى دوداعا بارامىز دەپ ويلاعان جوقپىز. ءبىرىنشى ورىنعا كوتەرىلگەنىمىزگە وتە قۋانىشتىمىن. بىزدە ياروسلاۆا 10 جىلداي, ال كيريلل 7 جىل جاتتىعادى», – دەيدى «ساۆانسەر» حورەوگرافيالىق مەكتەبىنىڭ جاتتىقتىرۋشىسى يۋليا شيرينا.
بيشىلەردىڭ سوزىنە قاراعاندا 24 ەلدىڭ اراسىنان قارا ءۇزىپ شىعا وڭايعا سوقپاعان كورىنەدى. دەگەنمەن, تاماشا ونەر كورسەتكەن ولار ەۋروپالىق باعدارلاما بويىنشا 5 بي بيلەپ, ەڭ كۇشتى سانالاتىن قىتايلىق, جاپوندىق, گونگكونگتىق قارسىلاستارىن شاڭ قاپتىرعان. كيريلل نوۆيكوۆتىڭ ايتۋىنشا, چەمپيونات جوعارى دەڭگەيدە ۇيىمداستىرىلعان. جەڭىستەرىنە بىرازعا دەيىن سەنە الماعان. جارىس ياقتالعان سوڭ كەلەسى كۇنى تايفۋن باستالىپتى. 18-35 جاس ارالىعىندا الەمنىڭ ءار قيىرىنان جينالعان مىڭ بۇرالعان بيشىلەرمەن باسەكەلەسىپ, 2 سينگل بويىنشا التىن جۇلدەنى قورجىنعا سالعان.
ەندىگى ماقسات– قاراشا ايىندا اۆستريادا وتەتىن الەم چەمپيوناتىندا ولجالى بولۋ.
ءومىر ەسقالي
«ەگەمەن قازاقستان»
سولتۇستىك قازاقستان وبلىسى
