الماتى قالالىق ونكولوگيا ورتالىعىنىڭ باس دارىگەرى نۇرسۇلتان ىزماعامبەتوۆ قازىرگى تاڭدا قالىپتاسقان جاعدايدان شىعۋدىڭ بارلىق امالى جاسالىپ جاتقانىن ايتادى.
«گەرتسەپتين»دارىسىنىڭ ءبىر قۇتىسى 300 مىڭ تەڭگە تۇرادى. دەمەك, كەزەكتە تۇرعان ناۋقاستارعا سونداي 290 قۇتى كەرەك. بۇل 90 ميلليون تەڭگە دەگەن ءسوز. اسا قىمبات ءدارىنى شەتەلدەن تاسىمالداۋ دا وڭايعا تۇسپەي تۇر. دەگەنمەن دارىلىك زاتتىڭ بۇگىنگە دەيىن ۋاقىتىندا جەتكىزىلمەۋى سەبەپتەرىن اشىپ ايتقان «سك-فارماتسيا» وكىلى ناتاليا زەلەنسكايا 20 قىركۇيەككە دەيىن قازاقستان اۋماعىنا ءزارۋ پرەپاراتتىڭ قاجەتىنشە جەتكىزىلەتىنىنە سەندىردى. وسى ورايدا الەۋمەتتىك مەديتسينالىق ساقتاندىرۋ قورىنىڭ الماتى قالاسى بولىمشەسىنىڭ ديرەكتورى تولەۋحان ابىلداەۆ:
– بيىل الماتىنىڭ ونكولوگيالىق قىزمەتى 2017 جىلعى دەڭگەيدە قارجىلاندىرىلدى. دارىلىك زاتتارمەن قامتۋدا تۇيتكىلدى ماسەلە جوق. تەك ءبىر اۋرۋ بويىنشا دارىلىك زاتتىڭ ءبىر ءتۇرى جەتكىزىلمەي جاتىر. قوردىڭ ورتالىق اپپاراتى مەن مينيسترلىك بۇل ماسەلەنىڭ شەشىلۋ جولىن جان-جاقتى قاراستىرۋ ۇستىندە, – دەپ تۇسىنىكتەمە بەردى.
ونىڭ ايتۋىنشا, تەك قانا بيىل الماتىنىڭ ونكولوگيالىق قىزمەتى ءۇشىن 3 ملرد 222 ملن تەڭگە بولىنگەن. جالپى, بيىل شۆەيتساريادان قۇنى 2,5 ملرد تەڭگە بولاتىن 55 اتاۋلى دارىلىك زات جەتكىزۋ جوسپارلانعانى دا وسى بريفينگتە اتاپ ءوتىلدى.
تالعات ءسۇيىنباي,
«ەگەمەن قازاقستان»
الماتى
