قويىلىمدا باستى كەيىپكەر – پوجار تۋشيلىچ. سپەكتاكلدە بەلگىلى ەرتەگىلەردەگى جالماۋىز كەمپىر, ايداھار جانە باسقالارى توتەنشە, قيىن جاعدايلارعا تاپ بولادى. ويتكەنى ولار ءورت قاۋىپسىزدىگى ەرەجەلەرىن ساقتاماعان ەدى. بۇل سپەكتاكلدىڭ جازىلۋى كەزدەيسوق ەمەس ەدى. سوڭعى بەس جىلدا ەلىمىزدە ءتىلسىز جاۋ 275 بالانىڭ ءومىرىن جالمادى. ولاردىڭ 70 پايىزى 7 جاسقا دەيىنگى بۇلدىرشىندەر بولاتىن. ۇيدەگى ءورتتىڭ كوپشىلىگى بالالاردىڭ تەنتەكتىك, ويلاۋسىز ارەكەتىنەن, باقىلاۋسىزدىعىنان شىعادى.
«سپەكتاكل بالالار ءۇشىن وتە قىزىقتى بولدى دەپ ويلايمىن. ولار پوجار تۋشيلىچتىڭ سۇراقتارىنا جاۋاپ بەرىپ, قويىلىمعا قاتىسىپ وتىردى. بالالاردىڭ ەسىندە قالادى, مۇنداي شارالار ءورت قاۋىپسىزدىگىنىڭ ساقتالۋىنا ءسال دە بولسا ىقپالى تيەدى» دەيدى ازامات ورىنباەۆ.
سپەكتاكلگە كەلگەن كىشكەنتاي كورەرمەندەرگە تەاتر اۋلاسىندا ءورت سوندىرەتىن تەحنيكالار مەن قۇرالدار كورسەتىلدى. الداعى ۋاقىتتا كۋىرشاق تەاترى سپەكتاكلدى وبلىس اۋداندارى مەن قالالارىندا قوياتىن بولادى.
ءنازيرا جارىمبەت,
«ەگەمەن قازاقستان»
قوستاناي
