كەزدەسۋدى اشقان «نۇر وتان» پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ بۇگىندە قوعامىمىزدا الەۋمەتتىك, ەكونوميكالىق, حالىقارالىق جاعدايلارعا بايلانىستى ءتۇرلى ماسەلەلەر بار ەكەنىنە توقتالدى.
– قازىرگى قوعام وزەكتى ماسەلەلەرگە قاتىستى ناقتى ءارى ءادىل جاۋاپقا مۇقتاج. وسىعان بايلانىستى «نۇر وتان» پارتياسى اتالعان تۇيتكىلدەر بويىنشا جۇيەلى جۇمىس جۇرگىزۋدى جالعاستىرا بەرەدى. ءبىزدىڭ بۇگىنگى مەملەكەت پەن قوعام اراسىنداعى ءوزارا ءىس-ارەكەتتى جانداندىرۋ ماسەلەسىن كوتەرۋ ءۇشىن جينالۋىمىزدىڭ ءوزى پارتيانىڭ وسى باعىتتاعى جۇمىسىنىڭ ناتيجەسى ەكەنى ءسوزسىز, – دەدى م.اشىمباەۆ.
سونىمەن قاتار پارتيا توراعاسىنىڭ ءبىرىنشى ورىنباسارى قوعام مەن بيلىك اراسىندا ديالوگ مادەنيەتىن قالىپتاستىرۋ ماسەلەسىنە نازار اۋداردى.
– مۇنداي ديالوگ تەك ءبىر-ءبىرىمىزدى تىڭداۋمەن عانا شەكتەلمەي, قوعامدى الاڭداتقان ماسەلەلەردى شەشۋدىڭ ءتيىمدى تەتىكتەرىن قاراستىراتىن باسقوسۋ بولۋى ءتيىس. قازىرگى تاڭدا ەلىمىزدە ەكونوميكا, ساياسات, رۋحانيات جانە الەۋمەتتىك سالانى قامتيتىن كەشەندى جاڭعىرۋ جونىندە ناقتى كۇن ءتارتىبى بار. سوندىقتان اتالعان ديالوگ بارىسىندا قازاقستاندى جاڭعىرتۋ جانە قوردالانىپ قالعان ماسەلەلەردى شەشۋ جولدارىن تالقىلاۋىمىز كەرەك, – دەدى م.اشىمباەۆ. سونداي-اق ول وسى ماسەلە بويىنشا بىرنەشە باعىتتارعا توقتالدى.
– بىرىنشىدەن, بارلىق مەملەكەتتىك ورگان قىزمەتتەرىنىڭ اشىقتىعىن قامتاماسىز ەتەتىن Open Government Partnership باعدارلاماسىن ەنگىزۋىمىز كەرەك. بۇگىندە قانداي دا ءبىر ماڭىزدى مەملەكەتتىك باعدارلاما مەن باستامانى قابىلدار الدىندا قوعامنىڭ تالقىسىنا سالۋ داستۇرگە اينالدى. Open Government Partnership اياسىندا وسى مەحانيزمدەردى جانداندىرىپ, باسقا دا تەتىكتەردى قاراستىرۋ كەرەك. قوعامنىڭ جاي تالقىلاپ قانا قويماي, الەۋمەتتىك سالادا ءتيىمدى ۇسىنىستار دايىنداۋعا بەلسەندى قاتىسۋىن قامتاماسىز ەتۋىمىز قاجەت. ال مەملەكەت ولاردى ەسكەرۋى ءتيىس. ديالوگتىڭ ەكىنشى مەحانيزمى مەن باعىتى – قوعامدىق كەڭەستەردىڭ جۇمىسى. بۇل جونىندە قوعامدىق دامۋ مينيسترلىگىنىڭ ءتيىستى زاڭعا وزگەرىستەر ەنگىزۋدى قولعا الۋى كوڭىل قۋانتادى. بۇل دەر كەزىندە جۇزەگە اسىرىلعان جۇمىس دەپ ەسەپتەيمىن. وسى باعىتتا ءبارىمىز جۇمىس ىستەۋىمىز كەرەك. سول زاڭعا تابان تىرەگەن ءتيىمدى قوعامدىق كەڭەستەر قۇرۋىمىز كەرەك. ءۇشىنشى باعىت – «نۇر وتان» پارتياسى. پارتيا تالقىلاۋلار مەن پىكىرتالاس الاڭى بولۋعا جانە ءتۇرلى ماسەلەلەردى شەشۋ جولدارىن ۇكىمەت, مەملەكەتتىك ورگاندار جانە اكىمدىكتەردىڭ الدىنا قويۋعا دايىن. سوندىقتان وزەكتى ماسەلەلەردى پارتيا الاڭىندا تالقىلاۋدىڭ بەرەرى مول دەپ ەسەپتەيمىن, – دەدى ول.
وسى ىسپەتتەس ترەندتەر قازاقستاندا وزەكتى بولىپ تابىلادى. الەۋمەتتىك جەلىلەردەگى تانىمال ليدەرلەردىڭ اۋديتوريانى قامتۋى كوپتەگەن ءداستۇرلى باق-تان اسىپ كەتۋى مۇمكىن. پوزيتيۆ سياقتى, ايلا-شارعىلىق سيپاتتاعى ىقپال ەتۋدىڭ ۇلگىلەرى دە پايدا بولۋدا. ءوزارا ارەكەت ەتۋدىڭ ءداستۇرلى ۇلگىلەرى ەسكىرۋدە. بۇگىنگى قوعام ءوزارا ارەكەت ەتۋدىڭ زاماناۋي تاسىلدەرىنە مۇقتاج.
پىكىرتالاس قورىتىندىسى بويىنشا, ناقتى ۇسىنىستار پىسىقتالىپ, ولار ۇكىمەت, پارلامەنت جانە جەرگىلىكتى اتقارۋشى ورگاندارعا جولدانادى.
جولدىباي بازار,
«ەگەمەن قازاقستان»
