قازاقستاندىقتار تالعامى وزگەرىسسىز

كەشە الەۋمەتتىك-ساياسي زەرتتەۋلەر ينستيتۋتى بۇقارالىق اقپارات قۇرال­دا­رى ءۇشىن بريفينگ وتكىزدى. بريفينگتىڭ ماق­ساتى «پارتيالار رەيتينگى – 1 ءول­شەمى» بويىنشا الەۋمەتتىك زەرتتەۋ­لەر­دىڭ ناتيجەسىن جاريالاۋ ەدى. بۇل جولعى سۇراۋ سالۋلار 6-16 جەلتوقسان ارالىعىن قامتىسا, ساۋالداما قازاقستاننىڭ بار­لىق وبلىستارىندا, سونىمەن بىرگە, رەس­پۋب­ليكالىق ماڭىزى بار قالالار – استانا مەن الماتىدا تۇرعىلىقتى مەكەن-جاي­لار بويىنشا سۇحبات ادىسىمەن ءوت­كىزىلدى. ساۋالداماعا جاسى 18-دەن اسقان ەل ازاماتتارى قاتىستىرىلدى. ولاردىڭ جالپى سانى 2000 ادامدى قۇرادى. بريفينگتە الەۋەمەتتىك-ساياسي زەرتتەۋلەر ينستيتۋتىنىڭ ديرەكتورى, الەۋ­مەتتانۋ عىلىمدارىنىڭ دوكتورى, ءادىس­ناما جانە تالداۋ ءبولىمىنىڭ جەتەكشىسى ايگۇل سادۋاقاسوۆا مەن الەۋمەتتانۋ ماگيسترى اينۇر ءماجيتوۆا ءسوز سويلەدى. ينستيتۋت ديرەكتورى ايگۇل سادۋاقاسوۆانىڭ ايتۋىن­شا, زەرتتەۋ ناتيجەسىندە قازاقستاندىقتاردىڭ ەلەكتو­رال­دىق بەلسەندىلىگى قازىرگى كەزدە 67,2 پايىزدى قۇراي­تىنى بەلگىلى بولىپ وتىر. «ءسىز 2012 جىلدىڭ 15 قاڭ­تا­رىندا وتەتىن پارلامەنت ءماجىلىسىنىڭ دەپۋتاتتارىن سايلاۋدا داۋىس بەرۋگە باراسىز با؟» دەگەن ساۋالعا سۇراۋ سالىنعانداردىڭ جوعارىدا كورسەتىلگەندەي پايىزى «ءيا» دەپ ناقتى جاۋاپ قايتارعان. «ءسىز قاي پارتياعا داۋىس بەرەتىن بولاسىز؟» دەگەن سۇراققا جاۋاپتار بوي­ىنشا قالىپتاسقان ساياسي بىرلەستىكتەردىڭ رەيتينگى تومەندەگىشە: «نۇر وتان» حالىقتىق-دەمو­كرا­تيا­لىق پارتياسى – رەسپوندەنتتەردىڭ 80,5 پايىزى; قازاقستاننىڭ «اق جول» دەمو­كرا­تيالىق پارتياسى – 7 پايىز; جالپىۇلتتىق سوتسيال-دەمو­كرا­تيا­لىق پارتياسى (جسدپ) – 2,4 پايىز; قازاقستاننىڭ كوممۋنيستىك حالىقتىق پارتياسى – 2 پايىز; قازاقستاننىڭ «ادىلەت» دەمو­كراتيالىق پارتياسى – 1,1 پايىز; قازاقستان پاتريوتتارى پارتياسى – 0,6 پايىز; قازاقستاننىڭ «اۋىل» سوتسيال-دەموكراتيالىق پارتياسى – 0,4 پايىز; «رۋحانيات» پارتياسى – 0,1 پايىز. رەسپوندەنتتەردىڭ 5,9 پايىزى قاي پارتياعا داۋىس بەرەتىنىن ءالى شەشپەپتى. ال ساۋالداما سۇحبات ادىسىمەن جۇرگىزىلگەن. تاڭداۋداعى اۋىتقۋشىلىقتار 2 پايىز شاماسىندا بولۋى ىقتيمال. سۇراۋ سالۋلاردىڭ دەمەۋشىلەردىڭ قارجىسىنا جۇرگىزىلگەنىن دە ايتا كەتكەن ءجون. RSS: قازاقستاندىقتاردىڭ قاي پارتياعا باسىمدىق بەرەتىنى وزگەرىسسىز قالىپ كەلەدى. «ەگەمەن-اقپارات».