بايقاۋشىلار قاتارى تولىقتى

كەشە قازاقستان رەسپۋبليكاسىنىڭ ورتالىق سايلاۋ كو­ميسسياسى قازاقستان رەسپۋبليكاسى سىرتقى ىستەر مينيستر­لى­گى­نىڭ ۇسىنۋى بويىنشا شەت مەملەكەتتەر مەن حالىقارالىق ۇيىم­داردىڭ 38 بايقاۋشىسىن اككرەديتتەدى. ولاردىڭ 34-ءى – تمد-دان بايقاۋشىلار ميسسياسىنىڭ قۇ­رامىندا. تاعى 4-ءى – شەت مەملەكەتتەردىڭ بايقاۋشىلارى. جالپى العاندا, قازىرگى ءسات­كە ورتالىق سايلاۋ كوميس­سيا­سى 99 حالىقارالىق بايقاۋشىنى اككرەديتتەدى. ولاردىڭ 46-سى – قازاقستان رەسپۋبليكاسى پارلامەنتى ءماجىلىسى دەپۋتات­ت­ارى­نىڭ كەزەكتەن تىس سايلاۋىن باي­قاۋ جونىندەگى ەقىۇ/دياقب ميسسياسىنىڭ قۇرامى­نا, 45-ءى – تمد-دان بايقاۋ­شى­لار ميسسياسىنىڭ قۇرامىنا كىرەدى, ال 8-ءى – بەس شەت مەم­لەكەتتىڭ بايقاۋشىسى بولىپ تابىلادى. سونداي-اق, ورتسايلاۋكوم وتى­رىسىندا «2012 جىلعى 15 قاڭتارعا تاعايىندالعان قازاق­ستان رەسپۋبليكاسى ءماسلي­حات­تارى دەپۋتاتتارىنىڭ كەزەكتى سايلاۋىندا قازاقستان رەس­پۋب­ليكاسى ءماسليحاتتارىنىڭ دەپۋ­تاتتىعىنا كانديداتتاردىڭ رەس­پۋبليكالىق بيۋدجەت قاراجا­تىنان جابىلاتىن شىعىس­تا­رىنىڭ نورماتيۆتەرىن بەلگىلەۋ تۋرالى» 2011 جىلعى 24 قاراشاداعى قاۋلىعا وزگەرىستەر ەنگىزىلدى. 2011 جىلعى 16 قاراشا مەن 23 جەلتوقسان ارالىعىنداعى كەزەڭدە ورتسايلاۋكومعا 62 ءوتىنىش كەلىپ ءتۇستى. ولاردىڭ ءىشىن­دە سايلاۋ ناۋقانىنىڭ ءار­تۇرلى ماسەلەلەرى بويىنشا 45, سايلاۋ كوميسسيالارىنىڭ, سايلاۋ ۇدەرىسىنە قاتىسۋشىلاردىڭ جانە بۇقارالىق اقپارات قۇرال­دارىنىڭ قىزمەتىنە قاتىستى 17 ءوتىنىش بار. ءاليسۇلتان قۇلانباي.