ميسسيا باسشىسىن قابىلدادى

كەشە ورتالىق سايلاۋ كوميسسياسىنىڭ توراعاسى ق.تۇرعان­قۇ­لوۆ تمد-دان بايقاۋشىلار ميسسياسى شتابىنىڭ باستىعى ە.سلوبودانى قابىلدادى. ورتسايلاۋكوم باسشىسى ميسسيا جەتەكشىسىن سايلاۋ ۇدەرىستەرى بارىسىمەن تانىستىرىپ ءوتتى. ال تمد-دان بايقاۋشىلار ميسسياسى شتابىنىڭ باستىعى ءوز كەزەگىندە سايلاۋدى بايقاۋعا قاتىسۋعا شاقىرعانى ءۇشىن ريزاشىلىعىن ءبىلدىردى. «تمد-دان بايقاۋشىلار ميس­سياسىنىڭ شتابى جۇمىسقا كىرىستى. ءبىز ءوز وكىلدەرىمىزدى رەس­پۋبليكانىڭ بارلىق وڭىرلەرىنە جىبەرۋدى كوزدەپ وتىرمىز, – دەدى ە.سلوبودا قابىلداۋ كەزىندە. – سايلاۋعا قاتىسۋشى ساياسي پار­تيالاردىڭ وكىلدەرىمەن كەزدەسۋلەر وتكىزۋدى, سونداي-اق ءماجى­لىس­تىڭ قازاقستان حالقى اسسام­بلەيا­سى سايلايتىن دەپۋتات­تا­رىن سايلاۋ راسىمدەرىنە قاتى­سۋ­دى جوسپارلاپ وتىرمىز. ءبىزدىڭ ماقساتىمىز – دەموكراتيالىق سايلاۋ وتكىزۋگە ىقپال ەتۋ جانە سايلاۋدى حالىقارالىق باي­قاۋ­دىڭ جالپى مويىندالعان نور­ما­لارى اياسىندا جۇمىس ىستەمەكپىز. سونىمەن قاتار, ول ساي­لاۋدىڭ تابىستى وتۋىنە تىلەكتەستىگىن ءبىلدىرىپ, قازاقستاندىق تاراپتىڭ سايلاۋدى بايقاۋدى ۇيىمداستىرۋ ءۇشىن قاجەتتى بار­لىق جاعدايدى جاساعانىن, ال ادىستەمەلىك قامتاماسىز ەتۋدى جوعارى دەڭگەيدە ۇيىمداس­تىر­عا­نىن اتاپ ءوتتى. قابىلداۋدان كەيىن وسك توراعاسى تمد-دان بايقاۋشىلار ميسسياسى شتابى­نىڭ باستىعىنا 2012 جىلعى 15 قاڭتارداعى قازاقستان رەسپۋب­لي­كاسى پارلامەنتى ءماجىلىسى دە­پۋتاتتارىنىڭ سايلاۋىندا حا­لىقارالىق بايقاۋشى رەتىندە اككرەديتتەلگەنى تۋرالى كۋالىكتى تابىس ەتتى. ءاليسۇلتان قۇلانباي.