قازاقستان رەسپۋبليكاسى ۇكىمەتىنىڭ قاۋلىسى № 1346

2011 جىلعى 16 قاراشا,    استانا, ۇكىمەت ءۇيى «ادۆوكاتتىق جانە نوتارياتتىق قىزمەت تۇرلەرىن ليتسەنزيالاۋ ەرەجەسىن جانە ولارعا قويىلاتىن بىلىكتىلىك تالاپتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 2 ماۋسىمداعى № 454 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «ادۆوكاتتىق جانە نوتارياتتىق قىزمەت تۇرلەرىن ليتسەنزيالاۋ ەرەجەسىن جانە ولارعا قويىلا­تىن بىلىكتىلىك تالاپتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 2 ماۋسىمداعى № 454 قاۋلىسىنا (قازاقستان رەسپۋبليكاسىنىڭ ءپۇاج-ى, 2007 ج., № 18, 204-قۇجات) مىناداي وزگەرىستەر ەنگىزىلسىن: 1) تاقىرىبى مىناداي رەداكتسيادا جازىلسىن: «ادۆوكاتتىق جانە نوتارياتتىق قىزمەت تۇرلەرىن ليتسەنزيالاۋ كەزىندە قويىلاتىن بىلىكتىلىك تالاپتارىن بەكىتۋ تۋرالى»; 2) 1-تارماقتاعى 1) جانە 3) تارماقشالار الىپ تاستالسىن; 3) كورسەتىلگەن قاۋلىمەن بەكىتىلگەن ادۆوكاتتىق قىزمەتتى ليتسەنزيالاۋ كەزىندە قويىلاتىن بىلىكتىلىك تالاپتارىندا: 1-تارماق مىناداي رەداكتسيادا جازىلسىن: «1. ادۆوكاتتىق قىزمەتتى جۇزەگە اسىرۋ ءۇشىن جەكە تۇلعالارعا قويىلاتىن بىلىكتىلىك تالاپتارى: 1) قازاقستان رەسپۋبليكاسىنىڭ ازاماتتىعى; 2) جوعارى زاڭ ءبىلىمىنىڭ بولۋى; 3) ادۆوكاتتار القاسى پرەزيديۋمىنىڭ قاۋلىسى نەگىزىندە كەمىندە بەس جىل ادۆوكاتتىق قىزمەت ءوتىلى بار ادۆوكاتتاردا ءۇش ايدان ءبىر جىلعا دەيىنگى مەرزىمدە تاعىلىمدامادان ءوتۋ; 4) اتتەستاتتسيالىق ادىلەت كوميسسياسىندا اتتەستاتتاۋدان ءوتۋ; 5) ناركولوگيالىق جانە پسيحياتريالىق ديسپانسەرلەردە ەسەپتە تۇراتىنى تۋرالى مالىمەتتەردىڭ بولماۋى; 6) سوتتىلىعىنىڭ بولماۋى.»; 2-تارماقتىڭ 1) تارماقشاسى مىناداي رەداكتسيادا جازىلسىن: «1) قازاقستان رەسپۋبليكاسىنىڭ ادىلەت بىلىكتىلىك القاسىندا نەمەسە قازاقستان رەسپۋبليكا­سىنىڭ جوعارعى سوتى كەڭەسىنىڭ جانىنداعى بىلىكتىلىك كوميسسياسىندا بىلىكتىلىك ەمتيحاندارىن تاپسىرعان ادامدارعا;»; 4-تارماق الىپ تاستالسىن; 4) كورسەتىلگەن قاۋلىمەن بەكىتىلگەن نوتارياتتىق قىزمەتتى ليتسەنزيالاۋ كەزىندە قويىلاتىن بىلىكتىلىك تالاپتارىندا: «1. نوتارياتتىق قىزمەتتى جۇزەگە اسىرۋ ءۇشىن جەكە تۇلعالارعا قويىلاتىن بىلىكتىلىك تالاپتارى: 1) قازاقستان رەسپۋبليكاسىنىڭ ازاماتتىعى; 2) جوعارى زاڭ ءبىلىمىنىڭ بولۋى; 3) كەمىندە ءبىر جىل مەرزىممەن نوتاريۋستا تاعىلىمدامادان ءوتۋ; 4) اتتەستاتتسيالىق ادىلەت كوميسسياسىندا اتتەستاتتاۋدان ءوتۋ; 5) ناركولوگيالىق جانە پسيحياتريالىق ديسپانسەرلەردە ەسەپتە تۇراتىنى تۋرالى مالىمەتتەردىڭ بولماۋى; 6) سوتتىلىعىنىڭ بولماۋى.»; 2-تارماقتىڭ 1) تارماقشاسى مىناداي رەداكتسيادا جازىلسىن: «1) قازاقستان رەسپۋبليكاسىنىڭ ادىلەت بىلىكتىلىك القاسىندا نەمەسە قازاقستان رەسپۋبليكا­سىنىڭ جوعارعى سوتى كەڭەسىنىڭ جانىنداعى بىلىكتىلىك كوميسسياسىندا بىلىكتىلىك ەمتيحاندارىن تاپسىرعان ادامدارعا;»; 4-تارماق الىپ تاستالسىن. 2. وسى قاۋلى رەسمي جاريالانعانىنان كەيىن كۇنتىزبەلىك جيىرما ءبىر كۇن وتكەن سوڭ قولدانىسقا ەنگىزىلەدى, بىراق 2012 جىلعى 30 قاڭتاردان ەرتە ەمەس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.