قازاقستان رەسپۋبليكاسى ۇكىمەتىنىڭ قاۋلىسى № 1334

2011 جىلعى 14 قاراشا, استانا, ۇكىمەت ءۇيى الەۋمەتتىك ماڭىزى بار قىزمەتتەردىڭ ولشەمدەرىن بەكىتۋ تۋرالى «اكىمشىلىك راسىمدەر تۋرالى» قازاقستان رەسپۋبليكاسىنىڭ 2000 جىلعى 27 قاراشاداعى زاڭىنىڭ 1-بابىنىڭ 2-10-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان الەۋمەتتىك ماڭىزى بار قىزمەتتەردىڭ ولشەمدەرى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 14 قاراشاداعى №1334 قاۋلىسىمەن بەكىتىلگەن الەۋمەتتىك ماڭىزى بار قىزمەتتەردىڭ ولشەمدەرى 1. جالپى ەرەجەلەر 1. وسى الەۋمەتتىك ماڭىزى بار قىزمەتتەردىڭ ولشەمدەرى (بۇدان ءارى – ولشەمدەر) «اكىمشىلىك راسىمدەر تۋرالى» قازاقستان رەسپۋبليكاسىنىڭ 2000 جىلعى 27 قاراشاداعى زاڭىنا سايكەس مەملەكەتتىك قىزمەتتەردى الەۋمەتتىك ماڭىزى بار قىزمەتتەرگە جاتقىزۋ ءۇشىن ازىرلەنگەن. 2. وسى ولشەمدەردە مىناداي ۇعىمدار پايدالانىلادى: 1) الەۋمەتتىك ماڭىزى بار قىزمەت – جەكە جانە (نەمەسە) زاڭدى تۇلعالاردىڭ الەۋمەتتىك-ەكونوميكالىق قۇقىقتارىن قامتاماسىز ەتۋگە باعىتتالعان مەملەكەتتىك قىزمەت كورسەتۋ; 2) ەسەپتى كەزەڭ – 1 قاڭتاردان 31 جەلتوقسانعا دەيىنگى كۇنتىزبەلىك جىل. 3. مەملەكەتتىك قىزمەت ساپالىق جانە ساندىق ولشەمدەرگە سايكەس كەلگەن جاعدايدا الەۋمەتتىك ماڭىزى بار قىزمەت بولىپ تانىلادى. 2. ساپالىق ولشەم 4. الەۋمەتتىك ماڭىزى بار قىزمەتتەردىڭ ساپالىق ولشەمى مىناداي سالالاردىڭ بىرىندە مەملەكەتتىك قىزمەت كورسەتۋ بولىپ تابىلادى: 1) قازاقستان رەسپۋبليكاسىنىڭ حالقىن الەۋمەتتىك قامسىزداندىرۋ, قىزمەت كورسەتۋ جانە قورعاۋ; 2) قازاقستان رەسپۋبليكاسىنىڭ حالقىن جۇمىسقا ورنالاستىرۋ, جۇمىسپەن قامتۋ; 3) دەنساۋلىق ساقتاۋ; 4) ءبىلىم بەرۋ; 5) تۇرعىن ءۇي قاتىناستارى; 6) كاسىپكەرلىك قىزمەت. 3. ساندىق ولشەم 5. ەسەپتى كەزەڭ ىشىندەگى مەملەكەتتىك قىزمەت الۋ ءۇشىن وتىنىشتەر سانى الەۋمەتتىك ماڭىزى بار قىزمەتتەردىڭ ساندىق ولشەمى بولىپ تابىلادى: 1) جەكە تۇلعالار ءۇشىن – 350 مىڭ جانە ودان كوپ ءوتىنىش; 2) زاڭدى تۇلعالار ءۇشىن – 10 مىڭ جانە ودان كوپ ءوتىنىش.