قازاقستان رەسپۋبليكاسى ۇكىمەتىنىڭ قاۋلىسى № 1309

2011 جىلعى 8 قاراشا,  استانا, ۇكىمەت ءۇيى كەيبىر سوزىلمالى اۋرۋلاردىڭ اۋىر نىساندارىنىڭ ءتىزىمىن بەكىتۋ تۋرالى «تۇرعىن ءۇي قاتىناستارى تۋرالى» قازاقستان رەسپۋبليكاسىنىڭ 1997 جىلعى 16 ساۋىردەگى زاڭىنىڭ 68-بابىنىڭ 4) تارماقشاسىنا, 69-بابىنىڭ 6) تارماقشاسىنا جانە 75-بابىنىڭ 4-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان كەيبىر سوزىلمالى اۋرۋلاردىڭ اۋىر نىساندارىنىڭ ءتىزىمى بەكىتىلسىن. 2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2011 جىلعى 8 قاراشاداعى №1309 قاۋلىسىمەن بەكىتىلگەن كەيبىر سوزىلمالى اۋرۋلاردىڭ اۋىر نىساندارىنىڭ ءتىزىمى 1. جەكە تۇلعانىڭ تۇراقتى پسيحيكالىق سيمپتومدىق جانە اينالاسىنداعىلار ءۇشىن زارداپ شەگۋشىمەن بىرگە تۇرۋ مۇمكىن بولمايتىن جەكە باسىنىڭ ايقىن وزگەرىستەرى بار پسيحيكالىق اۋرۋلارى. 2. قول-اياق فۋنكتسيالارىنىڭ جانە جامباس مۇشەلەرى فۋنكتسيالارىنىڭ تۇراقتى اۋىر بۇزىلۋى بار ورتالىق نەرۆ جۇيەسىنىڭ ورگانيكالىق جانە جاراقاتتانۋدان كەيىنگى بۇزىلۋى. 3. ءناجىس, نەسەپ جانە قىناپ جىلانكوزدەرى, قۋىق ستوماسى, جاساندى انۋس. 4. ءجيى ۇستاماسى ءىىى دارەجەلى اسقىنعان تىنىس الۋ فۋنكتسياسىنىڭ جەتىسپەۋشىلىگى بار برونح دەمىكپەسىنىڭ اۋىر نىسانى, ۇزدىكسىز-قايتالانبالى اعىم. 5. قوزعالۋ فۋنكتسيالارى جوعالعان تۇقىم قۋالايتىن ۇدەمەلى نەرۆتىك-بۇلشىقەت ديستروفياسى­نىڭ اۋىر نىساندارى. 6. ءى تيپتەگى قانت ديابەتى, اۋىر نىسانى.