وۆاري ويىنىنىڭ (افريكالىق ۇلتتىق ويىن) قىزدار كومانداسى التىندى يەلەنسە, اسەل داليەۆا جەكەلەي ەسەپتە دە التىن مەدال الدى.
ايتا كەتەيىك, بۇل اسەلدىڭ وسى جارىستاعى ءتورتىنشى التىن مەدالى. بۇعان دەيىن ول مانگالا, توعىزقۇمالاقتان جوعارى دارەجەلى مەدالدى ەنشىلەگەن بولاتىن. ديانا كەنينا بولسا, قولا مەدال الدى.
قورىتىندىسىندا, ەل قۇراماسى 72 مەدالمەن ەكىنشى ورىنعا جايعاستى. ءبىزدىڭ قورجىندا 18 –التىن, 24-كۇمىس, 30 قولا مەدال بار. ءبىرىنشى ورىن جارىس قوجايىندارى قىرعىزستان قۇراماسىندا 103 مەدال (40-التىن, 32-كۇمىس, 31-قولا). 56 مەدالمەن ءۇشىنشى ورىنعا رەسەي فەدەراتسياسى ورنالاستى (17-التىن, 24-كۇمىس, 27-قولا).
ايتا كەتەيىك, III دۇنيەجۇزىلىك كوشپەندىلەر ويىندارى 2 - 8 قىركۇيەك ارالىعىندا چولپون-اتا قالاسىندا ءوتتى. ويىندارعا الەمنىڭ 80 ەلىنەن 3000 استام سپورتشى كەلدى. ولار سپورتتىڭ 37 ءتۇرى بويىنشا سىنعا ءتۇستى. قازاقستان قۇراماسى سپورتتىڭ 32 ءتۇرى بويىنشا باق سىنادى. قۇراما ساپىندا 135 سپورتشى. كەلەسى كوشپەندىلەر ويىندارىنىڭ كەزەگى تۇركيا مەملەكەتىنە تابىستالدى. جارىس 2020 جىلى وتەدى.
