Bilim Foundation قورى استانا قالاسى اكىمدىگىمەن بىرگە يۋنيسەف جانە قر دەنساۋلىق مينيسترلىگىنىڭ رەسپۋبليكالىق پسيحيكالىق دەنساۋلىق عىلىمي-a ورتالىعىمەن ارىپتەستىك نەگىزدە استانا قالاسىندا «جاسوسپىرىمدەردىڭ دەنساۋلىق پەن ومىرلىك داعدىلارىن قالىپتاستىرۋ جانە كامەلەتكە تولماعاندار اراسىندا ءسۋيتسيدتىڭ الدىن الۋ» باعدارلاماسىن ەندىرۋدى قولعا الدى.
قازاقستاندا ءسۋيتسيدتىڭ جانە سۋيتسيدكە تالپىنۋ ارەكەتتەرىنىڭ تەرەڭدە جاتقان سەبەپتەرىن انىقتاعان زەرتتەۋلەرگە سۇيەنسەك, 90% جاعدايدا جاسوسپىرىمدەر اراسىندا سۋيتسيد پسيحيكالىق دەنساۋلىقتىڭ ناشارلاۋىمەن تىكەلەي بايلانىستى. جاسوسپىرىمدىك كەزەڭنەن ەرەسەك ومىرگە اياق باسار كەزىندە ادام بويىنداعى پسيحولوگيالىق سترەسس كەي جاعدايدا سۋيتسيدكە يتەرمەلەيدى. دەگەنمەن جاستار اراسىندا پسيحيكالىق دەنساۋلىقتىڭ اقاۋلارىن جاسوسپىرىمدىك كەزەڭدە انىقتاۋ قيىندىقتار تۋعىزادى.
Bilim Foundation قورىنىڭ جەتەكشىسى ەرلان ايتمۇحامبەتوۆتىڭ ايتۋىنشا, ىسكە اسىرىلاتىن جاڭا باعدارلاما ءومىردىڭ ءتۇرلى قيىن سىندارىنا تاپ بولىپ, كۇيزەلىس پەن تورىعۋدا جۇرگەن استاناداعى مەكتەپ پەن كوللەدجدەردە وقيتىن جاسوسپىرىمدەردى انىقتاپ, ولارعا دەر كەزىندە ەرەسەكتەر تاراپىنان كومەكتەسۋگە جاعداي جاسايدى. سونداي–اق ءسۋيتسيدتىڭ الدىن الۋ ماقساتىندا جاسوسپىرىمدەردىڭ ومىرلىك داعدىلارىن دامىتۋدى كوزدەيتىن كەشەندى ءىس-شارالار جۇرگىزىلەدى.
دوڭگەلەك ۇستەل بارىسىندا استانا قالاسىندا ورنالاسقان دەنساۋلىق ساقتاۋ مەكەمەلەرىنىڭ باسشىلارى قازاقستاننىڭ التى ايماعىندا ءوز تيىمدىلىگىن كورسەتكەن باعدارلامانى استانادا ناتيجەلى ىسكە اسىرۋ جولدارىن تالقىلادى. وسى جىلدىڭ اياعىنا قاراي استاناداعى ەمحانالار كامەلەتكە تولماعاندارعا پسيحيكالىق دەنساۋلىقتى جاقسارتۋدى كوزدەيتىن كومەك كورسەتە باستايدى.
ايتا كەتۋ كەرەك, Bilim Foundation قورىنىڭ اتالعان باعدارلاماسى اياسىندا بۇگىندە ەلىمىزدە 558 پسيحولوگ, 275 دارىگەر جانە 13692 وقىتۋشى ارنايى ازىرلەنگەن وقۋ كۋرستارىن ءتامامدادى.
