ورال قالاسىنان 80 شاقىرىم جەردە, ورال-اقتوبە كۇرە جولىنان 3 كم قاشىقتا جاتقان كيەلى مەكەننىڭ تۇسىنان وتكەن كولىكتەر جىلدامدىعىن ازايتىپ, كەيبىرى توقتاپ, اۋليە ارۋاعىنا دۇعا ارناۋ كوپ جىلدان بەرى بۇلجىماس داستۇرگە اينالعان. جالپىۇلتتىق كيەلى نىساندار تىزىمىنە اق جايىق وڭىرىنەن الدىمەن ەنگەن نىساننىڭ ءبىرى دە وسى زيارات ورنى ەدى. ءوڭىر باسشىسى كيەلى مەكەنگە ارنايى سوعىپ, جاي-كۇيىمەن تانىستى.
ايتا كەتۋ كەرەك, بۇل جەردە حالىقتىڭ, دەمەۋشىلەردىڭ ءوز كۇشىمەن-اق ەلەكتر, گاز جەلىسى تارتىلىپ, مەشىت پەن قوناق ءۇي سالىنىپ, كەلۋشىلەرگە بارىنشا جاعداي جاسالىپ جاتىر. بىراق كۇرە جولدان زياراتقا دەيىنگى 3 شاقىرىمدىق قارا جول عانا كۇن رايىنىڭ قولايسىز كەزەڭىندە مي باتپاق بولىپ, جولاۋشىنىڭ جولىن بوگەيتىن.
التاي كولگىنوۆ ساپار بارىسىندا ءتيىستى ماماندارعا كيەلى مەكەندى كۇرە جولمەن جالعايتىن كولىك جولىنىڭ جوبالىق سمەتالىق قۇجاتتارىن ازىرلەۋدى تاپسىردى. ءوڭىر باسشىسىنىڭ ايتۋىنشا, بۇل جول 2019 جىلى سالىنادى.
«رۋحاني جاڭعىرۋ» باعدارلاماسى بويىنشا قاسيەتتى نىساندار تىزىمىنە ەنگەن بارلىق كيەلى مەكەندەرگە جول سالىنادى» دەپ حابارلادى بىزگە باتىس قازاقستان وبلىسى اكىمىنىڭ ءباسپاسوز قىزمەتى.
قازبەك قۇتتىمۇرات ۇلى
«ەگەمەن قازاقستان»
باتىس قازاقستان
