ساپاردىڭ ماقساتى — پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك», ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋلارى مەن «بەس الەۋمەتتىك باستاماسىنىڭ», سونداي-اق, مەملەكەتتىك جانە سالالىق باعدارلامالاردىڭ وڭىردە جۇزەگە اسىرىلۋ بارىسىمەن تانىسۋ.
ساپار اياسىندا سولتۇستىك-قازاقستان وبلىسىنىڭ 2018–2021 جىلدارعا ارنالعان كەشەندى الەۋمەتتىك-ەكونوميكالىق دامۋ جوسپارىن جۇزەگە اسىرۋ بارىسى تۋرالى كەڭەس وتكىزىپ, سونداي-اق, بىرقاتار الەۋمەتتىك جانە ونەركاسىپتىك ينفراقۇرىلىم نىساندارىن ارالاۋ جوسپارلانعان. بۇدان وزگە, پرەمەر-مينيستر ب. ساعىنتاەۆ قازاقستان مەن رەسەيدىڭ XV ايماقارالىق ىنتىماقتاستىق فورۋمىن وتكىزۋگە دايىندىق بارىسىمەن تانىسادى.
ساپار بارىسىندا باقىتجان ساعىنتاەۆ وڭىردە ءبىلىم بەرۋ ساپاسىن ارتتىرۋ بويىنشا قابىلدانىپ جاتقان شارالارعا نازار اۋداردى. ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» قازاقستان حالقىنا جولداۋىندا مەملەكەت باسشىسى ءبىلىم بەرۋ باعدارلامالارىنىڭ نەگىزگى باسىمدىعى وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ بولۋعا ءتيىس ەكەنىن اتاپ ءوتتى. ەلىمىزدىڭ بارلىق وڭىرلەرىندە وقۋشىلار سارايلارىنىڭ بازاسىندا كومپيۋتەرلەردى, زەرتحانالاردى, 3D-پرينتەرلەردى قوسا العاندا, بارلىق قاجەتتى ينفراقۇرىلىممەن بيزنەس-ينكۋباتورلار مەن بالالار تەحنوپاركتەرىنىڭ جەلىسىن قۇرۋ تاپسىرىلعان. بۇل جاس بۋىندى عىلىمي-زەرتتەۋشىلىك جانە ونەركاسىپتىك-تەحنولوگيالىق ورتاعا ءساتتى ىقپالداستىرۋعا جول اشادى.
پرەمەر-مينيستر پەتروپاۆل قالاسىندا جاڭادان سالىنىپ جاتقان وقۋشىلار سارايىنا باردى. نىسان الدىڭعى قاتارلى زاماناۋي تەحنولوگيالارمەن جاراقتاندىرىلادى. سولتۇستىك قازاقستان وبلىسى اكىمىنىڭ ورىنباسارى ا. فەدياەۆتىڭ ايتۋىنشا, نىساندا اT-يندۋسترياسىنىڭ پەرسپەكتيۆالى باعىتتارى مەن STEM-ءبىلىم بەرۋ جۇيەسىمەن جوعار تەحنولوگيالى كابينەتتەر بازاسى مەن زەرتحانا كەشەندەرىن قۇرۋ كوزدەلگەن.
وقۋشىلار سارايىندا باعدارلامالاۋ جانە گرافيكالىق ديزاين زەرتحانالارى, ۆيرتۋالدى جانە تولىقتىرىلعان شىنايىلىق, TecQuipment ( ۇلىبريتانيا) ينجەنەرلىك عىلىمدارى, روبوتتى تەحنيكا قۇرىلىمداۋ (اقش), انيماتسيالىق ستۋديا, گولوگرافيا, كاركاستى-ۆاكۋمدى كينوتەاتر, Lexsolar (گەرمانيا) ەلەكتروموبيلدەرى, Thespian ( ۇلىبريتانيا) گۋمانويدتى روبوتى مەن ادامنان اۋمايتىن NAO (فرانتسيا) روبوتتارى جانە باسقا دا تەحنولوگيالار بولادى.
م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە باقىتجان ساعىنتاەۆ ستۋدەنتتەر جاتاقحاناسىنىڭ ءبىر كورپۋسىن ارالادى, وندا پرەزيدەنتتىڭ بەس الەۋمەتتىك باستاماسىنىڭ ورىندالۋىمەن تانىستى. جاتاقحانا بولمەلەرىن ارالاۋ كەزىندە ۋنيۆەرسيتەت رەكتورى س. ومىرباەۆ بۇگىنگى تاڭدا جوو-دا 5531 ستۋدەنت ءبىلىم الىپ جاتقانىن, ولارعا ارنالعان 4 جاتاقحانانىڭ بار ەكەنىن مالىمدەدى. سونىمەن قاتار, جىل سايىنعى قابىلداۋ كولەمىنىڭ ارتۋى مەن ۋنيۆەرسيتەتتە ءبىلىم الۋشىلاردىڭ سانىن ەسكەرگەندە, 2018/19 وقۋ جىلىندا جاتاقحاناعا دەگەن قاجەتتىلىك 3150-دەن استام ورىندى قۇرايدى. سقو اكىمدىگىنىڭ دەرەكتەرىنە سايكەس, 2018 جىلى وڭىردە ءبىلىم بەرۋ جۇيەسىن قارجىلاندىرۋعا 55,3 ملرد تگ قاراستىرىلعان. 31,2 ملرد تگ 01.08.2018 ج. جوسپار كەزىندە يگەرۋ 100% قۇرادى.
ايتا كەتۋ كەرەك, جوعارى ءبىلىم بەرۋدىڭ قولجەتىمدىلىگى مەن ساپاسىن ارتتىرۋ اياسىندا جەرگىلىكتى بيۋدجەتتەن جەرگىلىكتى جوو-عا وقۋعا تۇسۋگە نيەت بىلدىرۋشىلەرگە 75 گرانت ءبولىندى.
بۇعان قوسا, پرەمەر-مينيستر باقىتجان ساعىنتاەۆ ۋنيۆەرسالدى تەننيس ورتالىعىنا باردى. جاڭا الەۋمەتتىك نىسان 4 جابىق جانە 3 اشىق تەننيس الاڭىنان تۇرادى. سونىمەن قاتار, ەكى جابىق الاڭ باسكەتبول مەن ۆولەيبولعا ارنالعان امبەباپ سپورت الاڭىنا تۇرلەنەدى. كورەرمەندەر تريبۋناسى 1000-نان استام ادامعا ارنالعان. قابىلدانىپ جاتقان شارالار ءوڭىر حالقى اراسىندا سپورت پەن سالاۋاتتى ءومىر سالتىن ناسيحاتتاۋعا جول اشادى.
ەستەرىڭىزگە سالا كەتەيىك, پرەمەر-مينيستر مەملەكەت باسشىسىنىڭ تاپسىرماسىمەن ەلىمىزدىڭ وڭىرلەرىن جۇمىس ساپارىمەن ارالاپ ءجۇر. بۇعان دەيىن باقىتجان ساعىنتاەۆ جۇمىس ساپارىمەن اتىراۋ, قاراعاندى, قوستاناي, قىزىلوردا, ماڭعىستاۋ, وڭتۇستىك قازاقستان, اقمولا, باتىس قازاقستان جانە تۇركىستان, اقتوبە وبلىستارىندا بولىپ قايتتى.
