باقتىڭ بارار جەرى – ىنتىماق

ەلباسىنىڭ ماڭ­عىس­تاۋ وبلىسىنداعى ساپا­رىندا ايتقان پىكىرلەرى بەيبىتشىلىكتى سۇيەتىن ءاربىر ازاماتتىڭ كو­كەيى­نە قونادى. جاڭا­وزەن­دەگى قايعىلى وقيعا ونداعى قاي­تىس بولعان اتا-انالاردىڭ عانا ەمەس, بارشا قازاقستان­دىق­تاردىڭ ورتاق قايعىسى. جاپ­پاي تارتىپسىزدىكتى ۇيىم­داس­تىرىپ, ورىمدەي جاستاردى وتقا ايداپ سالعان قىل­مىستىلار ەرتە مە, كەش پە انىقتالىپ, زاڭ الدىندا ءادىل جازاسىن الارىنا سەنەمىز. ۇلكەن قا­ساپحانالاردا مال سوياتىن بەكەتكە قوي­لاردى وتارى­مەن باستاپ كەلىپ, جاقىن­دا­عان­دا قاپتالداعى ەسىك ارقىلى جالت بەرەتىن ارانداتقىش ەشكى بولادى دەسەدى. ءوز حالقىن اجالعا ايداعانداردى, جاس­تارعا مەملەكەتتىك نىساندار مەن جەكە مەنشىك قۇرىلىم, بيز­نەس ورىندارىن تالقاندات­تى­رىپ, وزدەرى تاسادا قالىپ ماسايراپ جۇرگەندەردى حا­لىق­تىڭ قانى جىبەرمەس. شەتەلدىك ساراپ­شىلار دا مۇنىڭ ارنايى ۇيىمداستىرىلعان اكتسيا ەكەندىگىن اتاپ كورسەتىپ وتىر. راس, كۇردەلى ماسەلەنى دەر كەزىندە شەشۋگە ۇكىمەتتە ءمۇم­كىندىك بولىپ ەدى. “سا­مۇ­رىق-قازىنا” قورى, “قاز­مۇ­نايگاز” كومپانياسى ەلباسى­نىڭ ەڭبەك داۋىن مەرزىمىندە شەشۋ تۋرالى تاپسىرماسىن ۇزىن ارقان, كەڭ تۇساۋعا سالۋى وسىنداي وكىنىشكە ۇرىن­دىر­دى. ەلباسى ۇكىمەتتىك كوميس­سيا­عا ەكى اپتا ىشىندە “وزەن­مۇنايگاز” كومپانياسىنىڭ قىزمەتكەرلەرى مەن جاڭاوزەن تۇرعىندارىنىڭ نارازىلىعىن تۋدىرعان سەبەپتەردى انىقتاپ, قيراعان نىسانداردى قىسقا مەرزىم ىشىندە قالپىنا كەلتىرۋدى تاپسىردى. ماڭعىستاۋدا ايتىلعان وي­لار ۇكىمەتتى قاتتى ويلان­دى­رىپ, ساباق الدىرۋى ءتيىس. ەلگە كەرەگى – تىنىشتىق, بەيبىت ءومىر. باسقا ەلدەرمەن سالىس­تى­ر­عاندا جاھاندىق داعدا­رىس­تى جەڭىل وتكىزىپ جاتقان قازاق­ستان­دا مۇنداي وقيعالار قايتا­لانباۋى كەرەك دەپ ەسەپتەيمىز. ءانيپا حالباەۆا, “گاۋھار” تىگىن فابريكاسىنىڭ ديرەكتورى. شىمكەنت.