بۇل – ۋاقىت دالەلدەگەن اقيقات

ادام رەتىندە جانە ازامات رەتىندە ماڭ­عىس­تاۋ وبلىسى, جاڭاوزەن قا­لاسىنداعى مەرەكەلىك ءىس-شارالار كەزىندە ورىن الىپ, كىسى ولىمىنە سوق­تىر­عان جاپ­پاي بەي-بە­رە­كەتسىزدىكتەر تۋ­را­لى حا­باردى وكىنە جانە قاي­عى­را قابىل­دا­دىم. جازىقسىز قازا تاپ­قانداردىڭ وتباسىنا قايعى­سى­نا ورتاقتاسىپ كوڭىل اي­تامىن. بۇل – ءبىزدىڭ حالقىمىز ءۇشىن اسا جات قىلىق. وكىنىشتىسى, ەلىمىز ءۇشىن ەڭ قاسيەتتى قۇندىلىق – تاۋەلسىزدىك كۇنى ادەيى, سا­نا­لى تۇردە جاسالعان ارەكەت ەكەندىگى. تاۋەلسىزدىكتەن اسقان ۇلى قۇن­دىلىق, اسقان جەتىستىك بار ما؟ قوعامىمىزدا تاريحي ور­نىق­قان قوعامدىق كەلىسىم, تۇ­راق­تىلىق پەن ادامداردىڭ ءبىر-بىرىنە جانە بولا­شا­عىنا دەگەن سەنىمىنە قول سۇعۋ – بۇل كەشىرىلمەيتىن قىل­مىس. تارتىپسىزدىكتى ۇيىمداستىرۋشى­لار دا, وعان بەلسەندى قاتىسقاندار دا زاڭعا سايكەس جاۋاپ­قا تارتىلۋى ءتيىس. قوعامدىق كەلىسىم جانە تۇ­راق­تىلىق – پرە­زيدەنتىمىزدىڭ جۇرگىزىپ وتىرعان ساياساتى, قازاقستان حالقىنىڭ تاڭداعان قالىپتى ءومىر سالتى. ءبىز 20 جىل بويى قازاق ەلىن­دەگى بەيبىت ءومىر مەن تى­نىش­تىقتى كوزىمىزدىڭ قاراشى­عىنداي ساقتاپ كەلەمىز. ەلدىڭ يگىلىگى ءۇشىن اۋىزبىرشىلىككە كەلۋ, سوزگە توقتاۋ, بىرىگۋ – قا­زاق­تىڭ قانىنا سىڭگەن قاسيەت. قاجەت بولعان كەزىندە ءتۇيىندى شەشىمنىڭ باس­تاۋىن­دا تۇراتىن حالقىمىزدىڭ پاراساتى مەن كەمەل كەمەڭ­گەرلىگىنە تولىق سەنىمدىمىن. ءبىز – قيىنشىلىق كور­گەن جاننىڭ قاسىنان تابى­لاتىن حالىقپىز. بۇعان تا­ري­حى­مىز دالەل. الەۋمەتتىك ماسەلەلەردى جاپ­پاي تارتىپسىزدىكتى تۋدىرۋ­دىڭ سىلتاۋىنا, ەڭبەك داۋلا­رىن ساياسي ويىننىڭ قۇرالىنا اينالدىرۋدىڭ سالدارى قارا­پايىم ادامداردىڭ زارداپ شەگۋىنە اكەلەتىن ارەكەتتەرگە قا­تاڭ تىيىم سالىنۋ كەرەك. الەمدىك جانە وتاندىق تاريح كەز كەلگەن كيكىلجىڭنىڭ تەك بەيبىت جولمەن, كەلىسسوزدەر مەن ورتاق بىتىمگەرلىك ارقىلى عانا شەشىلەتىنىن دالەلدەگەن. بۇگىندە پرەزيدەنت, ۇكىمەت, قوعام زارداپ شەككەن ەل ازامات­تارى ءۇشىن بارلىق جاعدايدى جاساپ جاتىر. وسىنىڭ ءوزى ءبىزدىڭ كۇشىمىز بىرلىگىمىزدە, ەر­تەڭگى كۇنگە دەگەن سەنىمىمىزدە, بەيبىتشىلىك پەن كەلىسىمدە, ۇلت كوشباسشىسى نۇرسۇلتان ءابىش­ ۇلى نازارباەۆتىڭ اينالاسىنا ۇيىسۋدا ەكەنىن ايعاقتايدى. مەملەكەت باسشىسىنىڭ «ماڭ­عىستاۋ وبلىسى, جاڭاوزەن قالاسىندا توتەنشە جاعداي جاريالاۋ تۋرالى» جارلىعى, مەم­لەكەتتىڭ نەعۇرلىم تەزىرەك ومىرلىك قاجەتتى نىسانداردى قاي­تا قالپىنا كەلتىرۋ, بەيبىت تۇرعىنداردىڭ تىنىشتىعىن قام­تاماسىز ەتۋ, قىلمىستىق ارە­كەتتەردى زاڭعا سايكەس ايىپ­تاۋ ءۇشىن بارلىعىن جاساپ وتىرعانىنىڭ ايقىن دالەلى. جاڭاوزەندە ورىن العان وقيعا ارقايسىمىزعا ساباق بو­لۋى ءتيىس. قاراپايىم ادامدار­دىڭ ماسەلەلەرىن شەشۋگە ءۇن قوسۋ – ءبىزدىڭ ورتاق مىندەتىمىز. تالايلى تاعدىرىمىزدان تۋ ەتىپ الىپ شىققان رۋحاني بىرلىگىمىز بەن ەلدىگىمىز قازاقستان حالقىن, ونىڭ ءاربىر ازاماتىن بيىك بەلەستەرگە جەتكىزەتىنىنە سەنىمىم نىق. بۇل – ۋاقىت دالەلدەگەن اقيقات. ەرالى توعجانوۆ, قازاقستان حالقى اسسامبلەياسى توراعاسىنىڭ ورىنباسارى.