2011 جىلعى 14 جەلتوقسان استانا, ۇكىمەت ءۇيى
ازاماتتىق قورعانىس ءىس-شارالارىنىڭ ورىندالۋى تۋرالى ەسەپ بەرۋ قاعيدالارىن بەكىتۋ تۋرالى
«ازاماتتىق قورعانىس تۋرالى» قازاقستان رەسپۋبليكاسىنىڭ 1997 جىلعى 7 مامىرداعى زاڭىنىڭ 4-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ازاماتتىق قورعانىس ءىس-شارالارىنىڭ ورىندالۋى تۋرالى ەسەپ بەرۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 14 جەلتوقسانداعى №1526 قاۋلىسىمەن بەكىتىلگەن
ازاماتتىق قورعانىس ءىس-شارالارىنىڭ ورىندالۋى تۋرالى ەسەپ بەرۋ قاعيدالارى
1. وسى قاعيدالار ازاماتتىق قورعانىس ءىس-شارالارىنىڭ ورىندالۋى تۋرالى ەسەپ بەرۋ ءتارتىبىن ايقىندايدى (بۇدان ءارى – قاعيدالار). 2. مەملەكەتتىك ورگاندار جىل سايىن ءتيىستى جىلدىڭ 10 جەلتوقسانىنا توتەنشە جاعدايلار جونىندەگى ۋاكىلەتتى ورگانعا ازاماتتىق قورعانىس ءىس-شارالارىنىڭ ورىندالۋى تۋرالى ەسەپ بەرەدى (بۇدان ءارى – ەسەپ). 3. «ازاماتتىق قورعانىس بويىنشا قالالاردى – توپتارعا, ۇيىمداردى ساناتتارعا جاتقىزۋ ەرەجەسى مەن ولشەمىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2005 جىلعى 22 قىركۇيەكتەگى №942 قاۋلىسىنا سايكەس ازاماتتىق قورعانىس بويىنشا ساناتتارعا جاتاتىن ۇيىمدار جىل سايىن ءتيىستى جىلدىڭ 25 قاراشاسىنا توتەنشە جاعدايلار جونىندەگى ۋاكىلەتتى ورگاننىڭ اۋماقتىق ورگاندارىنا ەسەپ بەرەدى. 4. توتەنشە جاعدايلار جونىندەگى ۋاكىلەتتى ورگان جىل سايىن ءتيىستى جىلدىڭ 25 قاڭتارىنا قازاقستان رەسپۋبليكاسىنىڭ ۇكىمەتىنە قازاقستان رەسپۋبليكاسىنىڭ اۋماعىندا وتكەن جىلى ازاماتتىق قورعانىس ءىس-شارالارىنىڭ ورىندالۋى تۋرالى ەسەپ بەرەدى. 5. ەسەپتەر مىناداي دەرەكتەردەن تۇراتىن ەرىكتى نىساندا بەرىلەدى: 1) ازاماتتىق قورعانىس جوسپارىنىڭ بولۋى; 2) ازاماتتىق قورعانىستىڭ باسقارۋ, حاباردار ەتۋ جانە بايلانىس جۇيەلەرىن جاڭعىرتۋ مەن جەتىلدىرۋ جانە ولاردى پايدالانۋعا ازىرلىكتە ۇستاۋ; 3) ازاماتتىق قورعانىس كۇشتەرىن جاساقتاۋ, جاراقتاندىرۋ جانە ازىرلىكتە ۇستاۋ; 4) زاقىمداۋ قۇرالدارى قولدانىلعان جاعدايلاردا قورعانىس قۇرالدارى تاسىلدەرىنە جانە ءىس-قيمىل جاساۋعا باسقارۋ ورگاندارىن دايارلاۋ جانە حالىقتى جاپپاي وقىتۋ; 5) ازاماتتىق قورعانىستىڭ قورعانىس قۇرىلىستارىن سالۋ مەن ولاردىڭ قورىن جيناقتاۋ جانە ولاردى جۇمىس ىستەۋگە ازىرلىكتە ۇستاۋ; 6) ازاماتتىق قورعانىس ءىس-شارالارىن ورىنداۋ جانە حالىقتىڭ تىرشىلىگىن قامتاماسىز ەتۋ ءۇشىن جەكە قورعانىس قۇرالدارىنىڭ, ماتەريالدىق-تەحنيكالىق, ازىق-ت ۇلىك, مەديتسينالىق جانە وزگە دە رەسۋرستاردى, رەزەرۆتەردى كۇرۋ, جيناقتاۋ جانە ۋاقتىلى جاڭارتۋ; 7) توتەنشە جاعدايلاردىڭ قاۋپى جانە تۋىنداۋى كەزىندە ەۆاكۋاتسيالاۋ ءىس-شارالارىن جوسپارلاۋ جانە جۇرگىزۋ; 8) اۆاريالىق-قۇتقارۋ جانە باسقا دا شۇعىل جۇمىستاردى دايىنداۋ جانە جۇرگىزۋ; 9) ەكونوميكا سالالارى مەن وبەكتىلەرىنىڭ تۇراقتى جۇمىس ىستەۋى جونىندەگى ءىس-شارالاردى جوسپارلاۋ جانە ورىنداۋ; 10) پروبلەمالىق ماسەلەلەر جانە ولاردى شەشۋ جولدارى. 6. ەسەپكە مەملەكەتتىك ورگاندار مەن ۇيىمدارىڭ ءبىرىنشى باسشىلارى قول قويادى. مەملەكەتتىك ورگاندار ەلەكتروندىق تسيفرلىق قولتاڭبامەن كۋالاندىرىلعان ەلەكتروندىق قۇجات نىسانىندا, ال ۇيىمدار – قاعاز تاسىعىشتا ەسەپتەردى ۇسىنادى.
