69 كيلو سالماقتا دارەجەسىندەگى ەرماحان جاقپەكوۆتىڭ ونەرىنە «دۋناي ارەنا» سپورت كەشەنىندە جينالعان بارشا جانكۇيەرلەر قۇلشىنا قول سوقتى. قانداسىمىز تايلاندتىق پيراپات يەسۋننوەندى ءبىرىنشى راۋدتا-اق ۇرىپ جىعىپ, فينالعا شىقتى. 75 كيلو سالماقتاعى نۇربەك ورالباي (75 كيلو) وزبەكستاندىق ناۆو تاماسوۆتى جەڭسە, 91 كيلو سالماقتاعى ايبەك ورالباي الجيرلىك حاسيد مۇحامەد اميننەن ايلاسىن اسىردى. قازاقتاردىڭ قارقىنىنان قايمىقسا كەرەك, ساعىندىق توعامباەۆ (81 كيلو) پەن دامير تويبايدىڭ (+91 كيلو) قارسىلاستارى جەكپە-جەككە شىعۋدان باس تارتتى. بۇل باسەكەدە ساعىندىق بەلارۋستىك الەكسەي الفەروۆپەن, ال دامير مىسىرلىق احمەد ەلساۆي اۆاد ەلباسپەن جۇدىرىقتاسۋعا ءتيىس ەدى.
جارتىلاي فينالدا ءبىزدىڭ جىگىتتەردىڭ اراسىنان تەك ماحمۇد سابىرحان عانا ءسۇرىندى. 49 كيلو سالماقتا باق سىناعان قانداسىمىز پۋەرتو-ريكونىڭ وكىلى دجون پاۋەل ريۆەروعا جول بەرىپ, قولا مەدالدى قاناعات تۇتتى. ال قالعان جىگىتتەرىمىز 30 جانە 31 تامىزدا وتەتىن اقتىق سىندا ونەر كورسەتەدى. سونىمەن قاتار, وسى جارىستىڭ قىزدارىمىز دا كۇش سىناسۋدا. ولاردىڭ ناتيجەسى جايىندا ەرتەڭ باياندايتىن بولامىز.
عالىم سۇلەيمەن,
«ەگەمەن قازاقستان»
