اڭگىمەلەسۋشىلەر الدىمەن وسى فورماتتا ءوتتى ياسجتشۇ -نىڭ كورنەكتى قايراتكەرلەرى مەن حالىقارالىق جاستار توبى كونفەرەنتسياسىنىڭ ماڭىزدىلىعىن اتاپ ءوتتى. ءىس-شارا 29 تامىز كۇنى اتاپ وتىلەتىن حالىقارالىق يادرولىق سىناقتارعا قارسى كۇرەس كۇنىنە ارنالىپ وتىر.
ق.توقاەۆ قازاقستاننىڭ ياسجتشۇ -مەن ىنتىماقتاستىقتىعىن جوعارى باعالادى جانە انتيادرولىق ماسەلەلەرگە حالىقارالىق قوعامداستىقتى تارتۋداعى بەلسەندىلىگى ءۇشىن العىسىن ءبىلدىردى. «يادرولىق قارۋدى تاراتپاۋ ماسەلەسىن قازاقستان تۇراقتى نازاردا ۇستايدى. ءبىزدىڭ ەلىمىز بۇل باعىتتاعى جۇمىسى بۇۇ قاۋىپسىزدىك كەڭەسىندە بەلسەندى تۇردە جالعاسادى », - دەدى ول.
ق.توقاەۆ جاھاندىق انتيادرولىق قوزعالىس قۇرۋ, يادرولىق قارۋدان ازات الەمنىڭ جالپىعا بىردەي دەكلاراتسياسىن قابىلداۋ, الەمنىڭ وزگە ايماقتاردا يادرولىق قارۋسىز ايماقتار قۇرۋ سىندى مەملەكەت باسشىسى نۇرسۇلتان نازارباەۆ ايتقان قازاقستاننىڭ ماڭىزدى يادرولىق قارۋعا قارسى باستامالارىنا قاتىسۋشىلاردىڭ نازارىن اۋداردى. ق.توقاەۆ «بەيبىتشىلىك - XXI عاسىر» باعدارلامالىق قۇجاتىنا بولەك توقتالدى. ونىڭ نەگىزگى يدەياسى - 2045 جىلعى بىرىككەن ۇلتتار ۇيىمىنىڭ 100 جىلدىعىنا دەيىن الەمدى سوعىس پەن قاقتىعىستار ۆيرۋسىنان ارىلتىپ, يادرولىق قارۋسىز الەم قۇرۋ. «مەن بۇۇ باس حاتشىسى انتونيو گۋتەرريشتىڭ جاھاندىق قارۋسىزدانۋ ۇدەرىسىنىڭ بولاشاعى كورسەتىلگەن جانە ناقتى قادامدار مەن جاڭا ۇسىنىستارىن ەستىگەنىمە قۋانىشتىمىن. بىرلەسكەن كۇش-جىگەرمەن بۇل ۇدەرىستى العا جىلجىتۋعا بولادى دەپ سانايمىز. «قارۋسىزدانۋ ماسەلەلەرى بويىنشا بىرىككەن ۇلتتار ۇيىمى باس حاتشىسى مەن قازاقستان رەسپۋبليكاسىنىڭ كوپتەگەن ماسەلەلەر بويىنشا كوزقاراستارى سايكەس كەلەتىنى قۋانتادى» , - دەدى سەنات توراعاسى.
كونفەرەنتسياعا قاتىسۋشىلار يادرولىق قارۋدى تاراتپاۋ توڭىرەگىندەگى ءتۇرلى ماسەلەلەر بويىنشا پىكىر الماستى جانە حالىقارالىق قاۋىپسىزدىك جانە يادرولىق قارۋدى تاراتپاۋ سالاسىنداعى پرەزيدەنت نۇرسۇلتان نازارباەۆتىڭ باستامالارىنىڭ جوعارى ماڭىزدىلىعىن اتاپ ءوتتى. «قازاقستانعا ياسجتشۇ كۇشىنە ەنۋىنە جاردەمدەسكەنى ءۇشىن العىسىمدى بىلدىرەمىن. ءبىز وسى ماڭىزدى ماسەلە بويىنشا سىزدەردىڭ قولداۋلارىڭىزدان ء ۇمىتتىمىز» , - دەدى يادرولىق سىناقتارعا جاپپاي تىيىم سالۋ شارتى ۇيىمىنىڭ دايىندىق كوميسسياسىنىڭ اتقارۋشى حاتشىسى لاسسينا زەربو دەدى.
