ىشكى ىستەر دەپارتامەنتىنىڭ مالىمەتتەرى بويىنشا جەدەل-الدىن الۋ ءىس-شارالارىنىڭ نەگىزگى مىندەتتەرى قىلمىستىق جانە اكىمشىلىك قۇقىق بۇزۋشىلىقتاردى ەسكەرتۋ, جول-كولىك وقيعالارىنىڭ الدىن-الۋ, سونداي-اق كوشى-قون زاڭناماسى مەن ەسىرتكى قۇرالدارىنىڭ زاڭسىز اينالىمىنا بايلانىستى بۇزۋشىلىقتاردى انىقتاۋ بولىپ تابىلادى.
ماڭعىستاۋ وبلىسى بويىنشا شاراعا ءىىو-نىڭ بارلىعى 669 قىزمەتكەرى, ۇلتتىق گۆارديانىڭ 301 اسكەري قىزمەتشىلەرى جۇمىلدىرىلعان بولسا, ونىڭ ىشىندە قوعامعا تارتىلعانى اسكەري قىزمەتكرە سانى 34. ەسەپتى كەزەڭدە وبلىس بويىنشا 24 قىلمىس, بۇرىن جاسالعان قىلمىستان 7 دەرەك اشىلدى.
ىزدەۋدە جۇرگەن 2 قىلمىسكەر ۇستالىپ, تىيىم سالىنعان قۇرالداردى زاڭسىز ساقتاعانى جانە الىپ جۇرگەن 11, ونىڭ ىشىندە ەسىرتكى قۇرالداردى ساقتاعانى 10, اتىس قارۋىن الىپ جۇرگەن 1 تۇلعا ۇستالدى, ودان اتىس قارۋىنىڭ 1 بىرلىگى, ۇڭعىسىز تراۆماتيكالىق اتىس قارۋىنىڭ 1 بىرلىگى تاركىلەندى.
تۇتاستاي العاندا, سىرتقى قىزمەتتەردىڭ قىزمەتكەرلەرىمەن وبلىس بويىنشا 1173 اكىمشىلىك قۇقىق بۇزۋشىلىقتار انىقتالدى, ونىڭ ىشىندە كولىك قۇرالىن ماس كۇيدە جۇرگىزگەن 30 جۇرگىزۋشى انىقتالدى. سونداي-اق, ءتۇرلى ساناتتار بويىنشا ىشكى ىستەر ورگاندارىندا ەسەپتە تۇرعان 362 تۇلعاعا تەكسەرۋ جۇرگىزىلىپ, قابىلداۋ-تاراتۋ ورنىنا 20 تۇلعا جەتكىزىلدى, ولاردىڭ ۇشەۋى 3 شەتەل ازاماتتارى. ال, 17 ادام ۋاقىتشا بەيىمدەلۋ جانە ينتوكسيكاتسيا ورتالىقتارىنا ورنالاستىرىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
