"مۇنداي فورۋم وڭىرلىك جارىس جەڭىمپازدارىنىڭ قاتىسۋىمەن 2001 جىلدان بەرى جىل سايىن وتەدى. بيىلعى سلەت قجي قوزعالىسىنىڭ 45-جىلدىعىنا ارنالدى",-دەدى قر ءىىم اپك-ءنىڭ رەسمي وكىلى. جارىسقا رەسپۋبليكا بويىنشا 16 كوماندا قاتىستى. سونداي-اق تمد ەلدەرىنىڭ بەلارۋس, قىرعىز رەسپۋبليكاسى جانە رەسەي فەدەراتسيا سەكىلدى ەلدەرى بولەك كوماندا رەتىندە قاتىستى.
جارىس 8 سايىستان قۇرالدى: «ساپتى قاراۋ», «جاس رەتتەۋشى», «جقە بىلگىرلەرى», «جاس سانيتار», «بىلىمدىلەر ءتۋرنيرى», «اگيتبريگاد بايقاۋى», سونداي-اق ۆەلوسيپەدتى مانەرلەپ جۇرگىزۋ جانە اۆتوقالاشىقتا ۆەلوسيپەدتى جۇرگىزۋ بويىنشا جارىستار. سونداي-اق, پوليتسيا قىزمەتكەرلەرى مەن ءبىلىم بەرۋ سالاسى ماماندارىنىڭ اراسىندا دا جارىس وتكىزىلدى. جارىستىڭ ەڭ نەگىزگى بولىمدەرىنىڭ ءبىرى - جول قوزعالىسى ەرەجەسىنە قاتىستى بىلىمدەرىن تەكسەرۋ بولدى. ەرەسەكتەر جول ءجۇرۋ كۋالىگىن الار كەزدە ورىندايتىن تاپسىرمالارعا بالالار 15 مينۋتتا جاۋاپ بەردى. بۇل ويىندا استانا كومانداسى وزا شاپتى, ولار بىرنەشە مينۋتتا تاپسىرمانى ورىنداپ, جوعارى بالعا يە بولدى. جاس ينسپەكتورلار ساپتىق تەكسەرۋ كەزىندە ساپتا ءجۇرۋ, ءتۇرلى قيمىلداردى ورىنداۋ, سالتاناتتى مارشتارىمەن پوليتسەيلەردى تاڭ قالدىردى. بۇل سايىستا قوستانايلىق كوماندا ۇزدىك اتاندى.
ۆەلوسيپەدپەن مانەرلەپ ءجۇرۋ جارىسىندا بەلارۋسيا جانە پاۆلوداردان كەلگەن قجيلىقتار ەرەكشە كوزگە ءتۇستى.
جىل سايىن ەرەكشە ىقىلاسقا بولەنىپ جۇرگەن اگيدبريگاد سايىسى. قاتىسۋشىلار 5 مينۋتتىڭ ىشىندە جول قوزعالىسى ەرەجەلەرى تۋرالى ءان, تاقپاق ت.ب.شىعارىپ, سول ارقىلى قازىلار القاسى مەن زالداعى قوناقتارعا جول ەرەجەسىن ساقتاۋ ماڭىزدىلىعى تۋرالى وي سالۋ كەرەك. رەسپۋبليكالىق سلەت 10 كۇنگە جالعاستى. وقۋشىلار جول پوليتسياسىنىڭ قۇرىلۋ تاريxى, جول كولىك وقيعاسىنان كەيىن العاشقى كومەك كورسەتۋ جانە جول قيىلىسىنداعى قوزعالىستى رەتتەۋ ماشىقتارىمەن ءبولىستى.
سونداي-اق سلەت بارىسىندا قوزعالىستىڭ جاس ينسپەكتورلارى ءۇشىن مەكتەپتەردە قجي جاساقتارىنىڭ جۇمىسىن ۇيىمداستىرۋ, جول كولىك اپاتى كەزىندە العاشقى مەديتسينالىق كومەك كورسەتۋ, ال پوليتسيا قىزمەتكەرلەرى ءۇشىن تمد ەلدەرىنەن كەلگەن ارىپتەستەرى جولداعى بالالاردىڭ جاراقاتتانۋىن الدىن الۋ بويىنشا تاجىريبە الماسۋ سەمينار-ترەنينگىن وتكىزدى.
"رەسەيدە دە جىل سايىن قجي سلەتى وتكىزىلەدى. سونداي-اق ءبىز مەملەكەتارالىق قجي بايقاۋىن ۇيىمداستىرامىز. ول جەردە قازاقستاندىق كوماندا جاقسى ناتيجە كورسەتەدى",-دەدى رەسەي فەدەراتسياسىنىڭ وكىلى سەرگەي حانتسكەۆيچ.
جالپى رەسپۋبليكالىق قجي سلەتىنىڭ قاتىسۋشىلارى ساپالى دايىندىقتارى مەن كونكۋرس باعدارلاماسىنىڭ نەگىزگى نوميناتسيالارى بويىنشا جاقسى ناتيجە كورسەتتى.
