ۇستىمىزدەگى جىلى وبلىس بويىنشا 727 مەكتەپ وقۋشىسىنا قاجەتتى سومكەلەر مەن وقۋ قۇرالدارى تابىس ەتىلدى. كوكشەتاۋ قالالىق ءبىلىم ءبولىمى دايىنداعان ارنايى تىزىمگە اۋەل باستا 250 بالا ەنگىزىلگەن ەكەن. يماندىلىقتىڭ يشاراسىنداي جان جىلۋىن توككەن قامقورلىقتىڭ ارقاسىندا وبلىس ورتالىعىندا 270 بالاعا وقۋ قۇرالدارى سىيلانسا, 142 وقۋشى مەكتەپ فورمالارىنا يە بولدى.
– مۇسىلماننىڭ قىرىق پارىزىنىڭ بىرەۋى – ءبىلىم الۋ. ءبىز ءار جىل سايىن جەتكىنشەكتەردى ءبىلىم جولىنا باعىتتاۋ ماقساتىندا وسىنداي قايىرىمدىلىق شارالارىن ۇيىمداستىرۋدى داستۇرگە اينالدىرۋدامىز, – دەيدى قازاقستان مۇسىلماندارى ءدىني باسقارماسىنىڭ اقمولا وبلىسى بويىنشا وكىلى قۋانىش ءسابيت.
قايىرىمدىلىق اكتسياسىنا كوپتەگەن كوكشەتاۋلىقتار شىن نيەتتەرىمەن ءوز ۇلەستەرىن قوستى. «زەكەت» قايىرىمدىلىق قورى دا يماندى ىستەن شەت قالماي, بەلسەندىلىك تانىتتى. ادامداردىڭ ءبىر-ءبىرىن جەبەي جۇرگەنگە نە جەتسىن؟!
بايقال ءبايادىل,
«ەگەمەن قازاقستان»
كوكشەتاۋ
