بيزنەس • 28 تامىز، 2018

بيزنەستە ماسەلەنىڭ ۇلكەن-كىشىسى جوق

251 رەتكورسەتىلدى

بيزنەستىڭ قىر-سىرى بەلگىلى سياقتى كورىنگەنىمەن، بۇرىن-سوڭدى اينالىسپاعان ناقتى كاسىپتى باستاعان كەزدە تۋىندايتىن تۇيتكىلدەر تابىلا بەرمەك. وسى ورايدا، الماتىدا ءتيىستى مينيسترلىكتەر مەن بيزنەس-وكىلدەرىنىڭ «؛باسەكەگە قابىلەتتى بيزنەس &ndash؛ باسەكەگە قابىلەتتى ەكونوميكا»؛ تاقىرىبىندا وتكىزگەن كەزدەسۋىندە ورتا جانە شاعىن بيزنەستى دامىتۋدىڭ ەڭ وتكىر ساۋالدارى كەزەكتى رەت ورتاعا سالىندى. ؛

جەكە كاسىپكەرلەردى قولداۋدا ۇكىمەت اتقارىپ وتىرعان اۋقىمدى شارالار لەگى بار. وعان ءتۇرلى قارجىلىق تەتىكتەر مەن «؛اتامەكەن»؛ ۇكپ، «؛دامۋ»؛ كاسىپكەرلىكتى دامىتۋ قورىن قوسىڭىز. الايدا، قازاقستاندىق بيزنەستى جۇرگىزۋدە ىلگەرىلەۋلەر عانا ەمەس، ىلىكتەر دە جەتكىلىكتى. ؛

قاراپ وتىرساق، الماتىلىق بيزنەس وكىلدەرى دە ءبىر قاۋىم ەل. ءوزارا باسقوسۋلارى، تالقىلاۋلارى، بايقاۋ-كورمەلەرى مەن فورۋمدارى ءوتىپ تۇرادى. دەگەنمەن، بۇل جولعى بيزنەس-قاۋىمداستىقپەن وتكەن كەزدەسۋدىڭ ءجونى باسقا. مەملەكەتتىك ورگانداردىڭ ورتالىق جانە جەرگىلىكتى وكىلدەرىنىڭ اتقارىلىپ جاتقان جۇمىستارى مەن الداعى كۇندەرگە مەجەلەنگەن جوسپارلارى تىڭدالعاننان كەيىن، بيزنەس وكىلدەرىنە ءسوز ءتيىپ، ءارقايسىسى ءوز سالاسىنا قاتىستى تۇيتكىلدەردى تاپتىشتەپ وتىرىپ بايانداۋعا مۇمكىندىك الدى.

بۇل باسقوسۋدا باستى ءرولدى اتقارعان ۇلتتىق ەكونوميكا مينيسترلىگىنىڭ الدىنان شىققان توسىن ساۋالدار جەتكىلىكتى بولدى. سول سياقتى ەلىمىزدىڭ قارجىلىق دونورى بولىپ تابىلاتىن الماتىدا بيزنەستى جۇرگىزۋدىڭ الەۋەتى ءالى دە تولىق پايدالانىلماي وتىرعاندىعى ايتىلدى. بانكتەردىڭ ءوز پورتفەلدەرىندەگى شىرعالاڭى كوپ نەسيەلەردەن ارىلۋى دا از ماسەلە ەمەس.

سونىمەن كاسىپكەرلەر قويعان ساۋالدار مەن ۇسىنىستار لەگىنە ينۆەستيسيالار جانە دامۋ مينيسترلىگى، قارجى مينيسترلىگى، ەڭبەك جانە حالىقتى الەۋمەتتىك قورعاۋ مينيسترلىگى، ەنەرگەتيكا مينيسترلىگى، ادىلەت مينيسترلىگى مەن ۇلتتىق بانك وكىلدەرى جاۋاپ بەرىپ وتىردى.

كاسىپكەرلەرگە بيزنەستىك باسەكەگە قابى­؛لەت­؛تىلىگىنە قاتىستى ساۋالداردى ستراتەگيالىق باستامالار ورتالىعىنىڭ (CSI) جوبالار جونىندەگى ديرەكتورى باقىتجان ساركەەۆ بايان­؛دادى.

سول سياقتى ۇلتتىق ەكونوميكا مينيس­؛تر­؛لىگى ستراتەگيالىق جوسپارلاۋ مەن تالداۋ دەپارتامەنتى ديرەكتورىنىڭ ورىنباسارى باۋىرجان تۇرلىبەكوۆتىڭ «؛قازاقستاندىق بيزنەستىڭ باسەكەگە قابىلەتتىلىگىن جاقسارتۋ جونىندەگى شارالارى»؛ جونىندەگى جوباسىنىڭ تۇساۋكەسەرى مازمۇندى شىقتى.

ۇلتتىق بانكتىڭ قارجىلىق نارىقتى رەتتەۋ باسقارماسى ءتوراعاسىنىڭ ورىنباسارى با­؛قىت سمەكەنوۆتىڭ سوزىنەن كەيىن كاسىپكەرلەر كوپ ماسەلەنىڭ تيە­؛گىن اعىتتى. ويتكەنى ۇلتتىق بانك تە وتاندىق بيزنەستى دامىتۋدا ءۇش فاكتورعا جاۋاپ بەرەدى.

&ndash؛ ءبىز بۇل باسقوسۋعا بيزنەستىڭ باسەكەگە قا­؛بى­؛لەتتىلىگىنە بايلانىستى سۇراقتارعا جانە اقپان ايىندا الماتىداعى ىسكەرلەرمەن وتكەن كەزدەسۋدە كوتەرىلگەن ماسەلەلەرگە بايلانىستى دايىندالىپ كەلگەن بولاتىنبىز. سول سياقتى مامىر ايىندا زاڭنامالىق وزگەرىستەر ەنگەننەن كەيىن قولدانىلعان شارالار تۋرالى ايتۋعا دايىن ەدىك. ءبىراق وزدەرىڭىز كورىپ وتىرسىزدار، بۇگىن بيزنەس-قاۋىمداستىق جاڭا ماسەلەلەردى العا تارتىپ وتىر. ياعني شيكىزات جەتىسپەۋشىلىگى، نەسيەگە قول جەتكىزۋ، نەسيە الۋ ءۇشىن قوسىمشا كەپىلدىك قويۋ سياقتى كۇتپەگەن سۇراقتاردى قويدى. شەتەلمەن بايلانىستى بيزنەستى دامىتۋ، ياعني ءبىزدىڭ ازاماتتارىمىزدىڭ شەتەلدەگى قاراجاتىن قالاي قوس-قوستان سالىق تولەمەي ەلگە اكەلگەنى، قازاقستانعا ينۆەستيسيا تارتۋعا قاتىستى ماسەلەلەر الدىمىزدان شىعىپ وتىر. سۇراقتاردىڭ كوپشىلىگى سىرتقى ساۋدامەن دە بايلانىستى. ماسەلەن، وزىمىزدە سابىن شىعارۋداعى پالما مايىن شەتەلدەن الدىرۋدىڭ قيىندىعى، كەدەندىك سالىقتى ازايتۋ سياقتى ءار سالانىڭ وزىندىك ماسەلەلەرى ايتىلدى، &ndash؛ دەدى ۇلتتىق ەكونوميكا مينيسترلىگى ستراتەگيالىق جوسپارلاۋ مەن تالداۋ دەپارتامەنتى ديرەكتورىنىڭ ورىنباسارى باۋىرجان تۇرلىبەكوۆ.

سونداي-اق سىرتتان تاۋار، شيكىزات تاسيتىن نەمەسە شەتەلدەردە بيزنەس-ارىپتەستەرى بار ىسكەرلەر قازاقستان رەسپۋبليكاسىنىڭ وزگە مەملەكەتتەردەگى ەلشىلىكتەرىندە ساۋدا اتتاشەسىن ۇستاۋ ماسەلەسىن العا تارتتى. ويتكەنى ءقازىر قازاقستاننىڭ شەتەلدەگى ون شاقتى ەلشىلىگىندە عانا ساۋدا اتتاشەسى نەمەسە كەڭەسشىسى بار.

سول سياقتى جەڭىل ونەركاسىپ وكىلدەرى دە ءوز سالالارىنداعى ماسەلەلەرمەن ءبولىستى. وسى ۋاقىتقا دەيىن شيكىزات كوزدەرىنىڭ جەتكىلىكتى بولعانىنا قاراماستان، ماتا، ينە، تۇيمەگە دەيىن سىرتتان تاسىمالدانىپ كەلگەنى بەلگىلى. ولاردىڭ ايتۋىنشا، ءقازىر ەلىمىزدە تۇيمە، سىرما سياقتى جەڭىل ونەركاسىپتىڭ كەرەك-جاراعىن شىعاراتىندار پايدا بولا باستاعان. ءبىراق وسىعان قاراماستان، يمپورت الماستىرۋ ءالى دە قيىن. ەلىمىزدە ءبىر تاۋار شىعارىلاتىن بولسا، نەلىكتەن مىندەتتى تۇردە قىمباتقا تۇسەتىنىن ءوز مىسالدارىمەن تۇسىندىرگەن جەڭىل ونەركاسىپ يەلەرى ينفلياسيا بۇل سالادا كاپيتالدى ساقتاۋعا ۇلكەن كەدەرگى كەلتىرىپ وتىرعانىن تارقاتتى. سوندىقتان دا ولاردىڭ ويىنشا، ءقازىر اۋىل شارۋاشىلىعى مەن جەڭىل ونەركاسىپ سالاسىندا اقشا ؛ تابۋعا مۇمكىندىك ازايعان. تىگىنشىلىك كاسىپتە ىلگەرىلەۋ پايدا بولعانىمەن، توقىما، ماتا شىعارۋ ءىسى توقىراپ تۇر.

الماتىداعى بيزنەس وكىلدەرىمەن وتكەن كەزدەسۋ قوردالانعان ماسەلەلەردى عانا قوزعاپ قويعان جوق. مەملەكەتتىك ءتىل ماسەلەسىن كەزەكتى رەت مىنبەرگە شىعاردى. ويتكەنى ءقازىر شەتەلدەرمەن بايلانىس جاساپ، ءوز وتانىندا كاسىبىن جۇرگىزىپ وتىرعان ورالمان قانداستارىمىز دا جەتكىلىكتى. ولاردىڭ كوپشىلىگى ۇزىن-سونار ورىس تىلىندە باياندالاتىن سپيكەرلەردىڭ سوزدەرىن تۇسىنبەي ۋاقىتىن ءولتىرىپ وتىرادى. سوندىقتان دا قۇجات راسىمدەۋ، نەسيەلەۋ، تابىس سالىعى، كەدەندىك سالىقتار، زاڭنامالىق وزگەرىستەردى انا تىلىندە ەستىمەگەننەن كەيىن، تۇسىنبەگەن سوڭ قازاقستاندا بيزنەس جۇرگىزۋدى قيامەت-قايىم كورەدى.

ايناش ەسالي،

«؛ەگەمەن قازاقستان»؛

الماتى

باننەر
سوڭعى جاڭالىقتار

يمپورتتان نە ۇتتىق؟

ەكونوميكا • كەشە

«ەكى جۇلدىز» بايقاۋى الماتىدا باستالدى

رۋحانيات • 20 قىركۇيەك، 2019

تارازدا جەدەل بايلانىس ورتالىعى اشىلدى

ايماقتار • 20 قىركۇيەك، 2019

ليساكوۆتىڭ «بايتەرەگى»

ايماقتار • 20 قىركۇيەك، 2019

گوبەلەن – تەكتى ونەردىڭ تۋىندىسى

رۋحانيات • 20 قىركۇيەك، 2019

«مادەني قابات» جويىلعان جوق

قوعام • 20 قىركۇيەك، 2019

شاحماردان تەربەلگەن تالبەسىك

رۋحانيات • 20 قىركۇيەك، 2019

ۇقساس جاڭالىقتار