23 جەلتوقسان، 2011

كەزدەسۋدىڭ جاي-جاپسارى باياندالدى

178 رەت كورسەتىلدى
كەشە جالپىۇلتتىق سوتسيال-دەموكراتيالىق پارتياسىنىڭ ال­ما­تى قالالىق فيليالىنىڭ جەتەكشىلەرى الاتاۋ اۋدانىنىڭ ءبىر توپ تۇرعىنىمەن كەزدەستى. وسى ارا­دا تۇسىنىكتى بولۋ ءۇشىن قۇلا­شىن جايىپ كەلە جاتقان وڭتۇستىك استانانىڭ جاڭادان قۇرىلعان اۋدانىندا زاڭسىز جەر تەلىمدەرىن يەمدەنۋ، زاڭسىز قۇجاتتار ارقىلى باسپانا كوتەرۋ ەڭ كوكەيكەستى ءما­سە­لەلەردىڭ قاتارىندا تۇرعانىن ايتا كەتەلىك. بۇل جەردە اڭقاۋ ەل­دىڭ قۇقىقتىق ساۋاتسىزدىعىن پاي­دالانىپ، جەر تەلىمدەرىن زاڭسىز ساۋدالاپ جىبەرگەن پىسىقايلار­دىڭ دا قولتاڭباسى بار. سون­دىق­تان بۇل ماسەلەگە ءالى نۇكتە قوي­ىل­دى دەپ ايتۋعا بولمايدى. وسى كەزدەسۋدىڭ جاي-جاپسارى تۋرالى بىزگە پارتيانىڭ الماتى قالالىق فيليالىنىڭ توراعاسى امىربەك توگىسوۆ بايانداپ بەردى. – بۇگىن الاتاۋ اۋدا­نىنان ءبىر توپ ادام كەلدى. ولاردىڭ جەر تەلىمدەرىن زاڭداستىرۋلارى قاجەت. بۇرىن 600-گە تارتا تۇرعىن الاتاۋ اۋدانىنىڭ اكىمدىگىنە ارىز­دانىپ، ۇيلەرىنىڭ زاڭسىز قي­را­تىلعاندىقتارىن جەتكىزگەن. وسى­دان كەيىن الاتاۋ اۋدانى اكىم­دىگىندە قوعامدىق ۇيىم قۇرىلىپ، وعان بىرنەشە پارتيا قوسىلىپ، وسى ماسەلەگە وڭ ىقپال ەتپەك بول­عانبىز. كوكتەمدە سول ادام­دار­دىڭ ىشىندە 217 ادامنىڭ قۇجاتى دۇرىس ەكەندىگىن انىقتاپ، ونى زاڭداس­تىرۋعا شەشىم شىعارىپ، قالالىق جەر باسقارماسىنا جىبەرگەن ەدىك. سول ادامداردىڭ 50-60 شاقتىسى مەملەكەتتىك اكتىسىن الىپ، جەر تەلىمدەرىن زاڭداس­تىر­عان. قالعان­دارى­نىڭ ماسەلەسى ءالى شەشىلگەن جوق، – دەدى امىربەك توگىسوۆ. قىسقاسى، جسدپ الماتى قالالىق في­ليالىنىڭ توراعاسى الا­تاۋ اۋدا­نىنىڭ تۇرعىندارى­مەن كەزدەسىپ، پىكىرلەسىپ، زاڭدىق تۇرعىدا كەڭەستەر بەرگەنىن ايتتى. جانە ولاردىڭ قۇجاتتارىن دۇ­رىس­تاۋعا كومەكتەسىپ، بۇل ماسە­لە­نى زاڭ جۇزىندە شەشۋگە وڭ ىقپال ەتۋگە ارەكەت جاسايتىندىعىن جەتكىزدى.  ايناش ەسالي. الماتى.
سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار