شاعىن قالالار شەت قالمايدى

قازاقستان پاتريوتتارى پار­تيا­سى اتىنان ءماجىلىس دەپۋتات­تى­عىنا كانديداتتار مەلس ەلەۋسىزوۆ, گۇلدانا نۇرپەيىسوۆا, سەرىك ايتحوجين, نۇرمۇحامەد ابدراحمانوۆ, ستانيسلاۆ سميرنوۆ, داۋرەن ازىمباەۆ, قايرات مەديەۆ, ايجان سقاقوۆا وڭىرلەردە ناسيحات جۇ­مىس­تارىمەن ءجۇر. اتالعان توپ كەشە الماتىنىڭ تۇبىندەگى قاپ­شا­عاي قالاسىندا بولدى. مۇندا اتالعان توپ قالا تۇر­عىدارىمەن, تۇرعىن ءۇي-كوم­مۋ­نال­دىق شارۋاشىلىق باسشىلارىمەن كەزدەسۋلەر وتكىزىپ, وسى سالاداعى تۇيتكىلدەردى شەشۋ جايىن ءسوز ەتتى. سونداي-اق, وسىنداعى فارفور زاۋىتىندا بولىپ, ونىڭ جاع­دايى­مەن تانىسۋعا مۇمكىندىك الدى. وسى رەتتە شاعىن قالالار پروب­لە­ما­سى دا ايتىلماي قالعان جوق. قازىرگى تاڭدا ەلىمىز بويىنشا ار­قالىق, قاپشاعاي, تەكەلى, جاڭاتاس سياقتى 50-گە تارتا شاعىن قالا بار بولسا, ولاردىڭ پروبلەماسىن شەشۋگە پارتيا ەرەكشە دەن قويماق. ماسەلەن, قاپشاعاي قالا­سىندا جۇمىس ورىندارى تاپشى, تۇرعىندار فارفور زاۋىتىنىڭ قالپىنا كەلتىرىلۋىن قالايدى. بۇ­رىن قالا ءۇشىن ماڭىزدى سانالعان كاسىپورىنعا مەملەكەتتىك قولداۋ بولسا, وندا جۇزدەگەن جۇمىس ورىن­دارى اشىلار ەدى, دەيدى قالا­لىقتار. ال قاپشاعاي سۋ قويماسى اۋماعىنداعى دەمالىس ورىندارى جەكەنىڭ قولىنا ءوتىپ كەتكەندىكتەن, قالالىقتاردىڭ ءوزى ول جاققا باس سۇعا المايتىن بولىپتى. ەندى سول دەمالىس ورىندارى مۋنيتسيپاليتەت مەنشىگىنە وتسە دەگەن ويلار دا ايتىلىپ قالىپ جاتتى, دەيدى پاتريوتتار پارتياسى ال­ما­تى قالالىق كوميتەتىنىڭ ءبىرىنشى حاتشىسى گۇلدانا نۇرپەيىسوۆا. سونىمەن قاتار, تۇرعىندار سۋ قوي­ماسىندا قۇتقارۋ قىزمەتىنىڭ جوعارى دەڭگەيدە بولۋى, دەما­لۋ­شى­لارعا قىزمەت كورسەتۋگە قاجەت­تى ينفراقۇرىلىمداردىڭ بارىن­شا جەتىلدىرۋى قاجەتتىگىن دە العا تارتىپتى. دەمالۋشىلاردان جي­نال­عان قارجى سولارعا قىزمەت كورسەتۋدى جەتىلدىرۋگە باعىتتالۋى ءتيىس. اسقار تۇراپباي ۇلى.