قازىرگى تاڭدا بايلانىستىڭ عالامتور, ءموبيلدى بايلانىس سياقتى تۇرلەرى وتە كەڭ تارالعانىمەن, جوعارى جىلدامدىقتاعى راديتەلەگرافيا ءوز وزەكتىلىگىن جوعالتپاعان. بۇرىندارى ول اپاتتىق جاعدايلار جايلى حابار بەرۋ مەن الىستاعى ادامداردىڭ ءبىر-بىرىمەن بايلانىسا الۋىنىڭ نەگىزگى قۇرالى بولعان بولسا, قازىرگى تاڭدا راديواۋەسقويلاردىڭ ارقاسىندا سپورت تۇرىنە اينالعان. بۇگىنگى كۇنى ءبىزدىڭ ەلىمىزدە دە بۇل سپورت ءتۇرى دۇرىس جولعا قويىلىپ, كۇننەن كۇنگە دامي تۇسۋدە. ونىڭ دالەلى – ەلىمىزدە العاش رەت 2018 جىلدىڭ 25-29 تامىز ارالىعىندا وتەتىن جوعارعى جىلدامدىقتاعى راديوتەلەگرافيادان 15-ءشى الەم چەمپيوناتى.
راديوسپورت كوپ ءبىلىمدى تالاپ ەتەتىن, جوعارى ينتەلەكتۋالدى تەحنيكالىق سپورت ءتۇرى بولىپ تابىلادى.
جوعارى جىلدامدىقتاعى راديوتەلەگرافيا – راديوسپورتتىڭ ءبىر سالاسى. ونىڭ نەگىزى مورزە ءالىپبيىنىڭ كومەگىمەن حابارلامالاردى قابىلداۋ جانە جىبەرۋ بولىپ تابىلادى. ونىڭ كەلەسى تۇرلەرى بار:
- ماعىناسىز ساندىق, ارىپتىك جانە ارالاس راديوگراممالاردى تىڭداۋ ارقىلى قابىلداۋ;
- تەلەگرافتىق كىلت كومەگىمەن ماعىناسىز ساندىق, ارىپتىك جانە ارالاس راديوگراممالاردى جىبەرۋ;
- Morse runner;
- RUFZ.
الەم چەمپيوناتىنا الەمنىڭ 17-ءى ەلىنەن جينالعان 150-دەن اسا ادام قاتىسادى جانە ولار ءار ءتۇرلى جاس ساناتتارىندا باق سىناسادى.
جارىس كەزەڭدەرى IBIS قوناق ۇيىندە 26 تامىز ساعات 9 00 باستالادى. بارلىق قىزىعۋشىلىق تانىتقان ادامدارعا جارىسقا كەلىپ, ءبارىن ءوز كوزدەرىمەن كورۋگە بولادى.
