قازاقستان اۋماعى ارقىلى وتەتىن قحر-ەو-قحر باعىتى بويىنشا كونتەينەرلىك تاسىمال كولەمىندە وڭ ديناميكا بار ەكەنى اتاپ ايتىلدى.
2018 جىلدىڭ 7 ايىندا الاشانكوۋ – دوستىق جانە قورعاس – التىنكول شەكارا وتكەلدەرى ارقىلى جۇك تاسىمالىنىڭ كولەمى 7 723 مىڭ توننانى قۇرادى, بۇل 2017 جىلدىڭ سايكەس كەزەڭىنە قاراعاندا 1 964 مىڭ تونناعا (نەمەسە 34%-عا) ارتىق.
م.قاباشەۆ قازاقستاننىڭ كولىكتىك-لوگيستيكالىق مۇمكىندىكتەرى, ترانسۇلتتىق باعدارلاردى دامىتۋ, ترانزيتتىك جۇك اعىنىن ۇلعايتۋ بويىنشا شارالار تۋرالى مالىمەتتەر بەردى.
«قازاقستاننىڭ «نۇرلى جول» باعدارلاماسى مەن قىتايدىڭ ء«بىر بەلدەۋ-ءبىر جول» باستاماسىنىڭ ەكى ەل اراسىنداعى ترانزيتتىك-كولىكتىك ىنتىماقتاستىقتى دامىتۋ سالاسىندا جارقىن بولاشاققا باستايتىن ماقساتتارى ورتاق»,- دەدى م. قاباشەۆ.
ىنتىماقتاستىقتىڭ تابىستى فاكتورلارىنىڭ ءبىرى – اليانس پەن ينفراقۇرىلىم بويىنشا سەرىكتەستەردىڭ ۇيلەسىمدى جۇمىسى. بۇگىنگى تاڭدا «قتج» ۇك» اق قىتايدىڭ 17 پروۆينتسياسىندا جۇمىس ىستەيدى. الداعى ۋاقىتتا قىتاي پروۆينتسيالارىمەن قاتىسۋ گەوگرافياسىن كەڭەيتۋ جوسپارلانۋدا.
ف. ءجۋيپيننىڭ ايتۋىنشا, قازاقستان مەن قىتاي كولىكتىك-لوگيستيكالىق ينفراقۇرىلىمدى قارقىندى دامىتۋدا. شەكارالىق ستانتسيالاردىڭ قۋاتى ارتتىرىلىپ, لوگيستيكالىق تىزبەك قۇرىلۋدا. ول سىچۋان پروۆينتسياسىنىڭ كولىكتىك مۇمكىندىكتەرى تۋرالى بايانداپ, اتالعان سالادا ىنتىماقتاستىقتى دامىتۋدى قولدايتىندىعىن ءبىلدىردى.
كەزدەسۋدە سونىمەن قاتار چەندۋ قالاسىندا «قتج» ۇك» اق -نىڭ وكىلدىگىن/بىرلەسكەن كاسىپورىن قۇرۋ جايى دا ايتىلدى.
