قر كونستيتۋتسياسى كۇنى قارساڭىندا الماتى قالالىق سوتى مەن ۇلتتىق كىتاپحانانىڭ ۇيىمداستىرۋىمەن «كونستيتۋتسيالىق قۇندىلىقتار, قازاقستاننىڭ زاڭناماسى جانە قۇقىق قولدانۋ تاجىريبەسىندە ولاردى جۇزەگە اسىرۋ جولدارى» ءداستۇرلى دوڭگەلەك ۇستەلى جالعاسىن تاپتى.
ءىس-شارانىڭ العاشقى ءبولىمى كىتاپ كورمەسىنەن باستالدى. ۇلتتىق كىتاپحانانىڭ ديرەكتورى جانات سەيدۋمانوۆ «كونستيتۋتسيا – قازاقستاننىڭ وركەنى مەن ورلەۋىنىڭ نەگىزى» كورمەسىمەن تانىسىتىرىپ, ەل تاۋەلسىزدىگى جىلدارىندا جارىققا شىققان قۇقىق سالاسىنداعى ادەبيەتتەردىڭ ماڭىزدىلىعىن اتاپ ءوتتى.
دوڭگەلەك ۇستەلدى الماتى قالالىق سوتىنىڭ توراعاسى باقىتجان قارامانوۆ جۇرگىزىپ, كونستيتۋتسيا – قازاقستان حالقىنىڭ ەركىندىگىن, ونىڭ دەموكراتيالىق, زايىرلى, قۇقىقتىق جانە الەۋمەتتىك مەملەكەت رەتىندە دامۋىن, ونىڭ باستى قۇندىلىعى – ادام, ونىڭ ءومىرى, قۇقىعى مەن بوستاندىعى اياسىنداعى ماڭىزدى ماسەلەلەرگە توقتالدى.
ءىس-شاراعا الماتى قالالىق سوتىنىڭ سۋدياسى ق.قالەكەەۆا, ءال-فارابي اتىنداعى قازاق ۇلتتىق ۋنيۆەرسيتەتى زاڭ فاكۋلتەتىنىڭ دەكانى د.بايدەلدينوۆ, زاڭ عىلىمدارىنىڭ دوكتورى ق.ايتقوجين, اۋەزوۆ اۋدانىنىڭ پروكۋرورى م.تىلەۋبەرديەۆ, ادۆوكات ن.جازىلبەكوۆ, بوستاندىق اۋداندىق سوتىنىڭ سۋدياسى گ.تالاپوۆا, سونىمەن قاتار قورعاۋ ورگاندارى, ادىلەت, ەڭبەك, الەۋمەتتىك قورعاۋ جانە كوشى-قون, مەملەكەتتىك كىرىستەر, نوتاريۋستار, ادۆوكاتتار, بەلگىلى عالىمدار, قوعام قايراتكەرلەرى قاتىسىپ, اتا زاڭ توڭىرەگىندەگى قۇقىقتىق ماسەلەلەرگە توقتالدى.
ەلۆيرا سەرىكقىزى,
«ەگەمەن قازاقستان»
الماتى
